عزيز وعلي حددو مواعيد العرس
،وبدو التجهيزات ،
عزيز بناء مع حاج أحمد في
نفس البيت وأماني ما كانت معارضة علي موضوع السكن ،أما علي فمن أول حياته قرر يسكن
في بيت إيجار لحدي ماربنا يهون ويبني ،،
عفراء كانوا كلهم بيكاوها
ويقولوا ليها يابايرة، وإتقدم ليها كم خطيب بس هي رفضت ، وقالت مواصفات راجها الحيعقد
عليها مافي أييي واحد فيهم ،وأنا مابعرس ساي
.
عماد اخو إبراهيم إتخرج
وبقى حارس البيت ،،
عماد قرييييب لي منى شديد
،بحكي ليها عن كل تفاصيلو ،ومنى بتحب تكاويهه علي طول .. .
تم عرس علي وعزيز علي خيييير
بي لمة الأهل والجيران ، ووقفة إبراهيم معاهم ،
منى وإبراهيم تمو سنتين
من زواجهم ، وفي عيد زوااجهم التاني كل واحد كان محضر للتاني هدية ،منى إشترت هدية
إبراهيم وقررت تعمل عشاء ظريف وتتزين أحلى زينة لأحلى زوج وإتفقت مع عفراء علي كل حاجة
،
إبراهيم قبل عيد زواجهم
بي يومين إبراهيم جاء قال لي منى.
إبراهيم:أممممممممم ،
منى:أممممممم ،
إبراهيم:حنسافر .
منى:خيييير علي وين فجأة
كدة o_O .
إبراهيم:مكان كدة
منى:إبراهيم بطل ، ماشين وين ياخ
إبراهيم: أممممم حنعيش شهر
عسل جديد ،
منى:ههههههههه إنت جادي!
إبراهيم :طبعآ جادي ،، حنمشي
نفس المكان ونفس الفندق ونفس الغرف الكنا فيها أيام شهر العسل ،أنا مرتب كل حاجة،حاجز
أيامانا دي من قبل شهرين
منى:ههههههههه ، طيب ليه
ماعملت كده السنة الفاتت o_O
إبراهيم:خطر علي بالي أعمل
الفكرة السنة دي ، مش حلوة برضو ،
)إبراهيم جر منى من خدودها
،( :بعدين تعالي شنو هو تحقيق !!!
منى: آآآآآه ، إبراهيم فكني
،ههههههه حرام عليك، والله أدسداها فيك
إبراهيم:خلاص خلاص ، يلا
نجهز شنطتنا ، شنطة واحدة وحنعدى 5 أيام ،برااااااانا ،
منى همست لإبراهيم ) أممم
بعيد من الجوطة والناس (
والله الفكرة حلوة يا إبراهيم
،شديييييد .
إبراهيم :وحلوة الفرحة البتتنطط
من عيونك دي ياجميل .
منى إبتسمت ، ومشت جهزت
الهدوم ، وبعد يومين سافروا لنفس المكان القضو فيهو شهر العسل .. .
عاشوا أيام جسدت دقات قلوبهم
سعادتها،
ولما يطلعوا ، العرسان المعاهم
إفتكروا إنو منى وإبراهيم عرسان جداد ،
منى إشترت لإبراهيم ساعة
كانت عاجباها شديد،
إبراهيم إشتري ليها خاتم
دهب ، وقميص لوني كوبي عجبو في السوق ،
منى ضحكت لما شافت القميص
، وقالت ليو حلو والله ولونو أحلى .
مرت الخمسة يوم ، وإبراهيم
ومنى رجعوا ، وكانوا مبسوطين .
وبعد جو وإبراهيم نزل الشغل
،
عزموا العرسان عشاء وكان
موضوع ويوم حلو ،
بعد فترة منى قدمت لي شغل
وإبراهيم أذن ايها ،
إبراهيم:أنا زي ما وعدتك
زمان ، أنا عند كلمتي ، مافي مشكلة ، تقدمي للشغل ياستي ولو حسيتي إنك ما بتقدري علي
مسؤوليتو مع مسؤولية البيت تخليو طوالي
منى:هههههه كدي خليني أشتغل
أول ،المهم بكرة حتمشي معاي المعاينة ماشي
إبراهيم : خلاص كويس ،جهزي
أوراقك وبكرة نشوف .. .
منى دخلت المعاينة ومنتظرين
النتيجة اللي حتطلع بعد فترة.
رحاب بقت متابعة مع الطبيب
النفسي وحالتها إستقرت ،
بس ما زال الألم بيطعن في
قلبها ،
عفراء إتقدم ليها أخو محمد
صاحب إبراهيم ، وبعد تفكير وافقت ، إبراهيم أكد ليها إنو زول ممتاز ،
وقررو الزواج بعد 6شهور.
د.ياسر لاقى لمياء بالصدفة
، مرة جات الجامعة طالبة أوراق بتخصها ،وسألها من منى ،لمياء أدتو رقم منى الشعال بيهو
،،
وفي يوم بعد المغرب وأثناء
ما منى وإبراهيم بشربو في الجبنة تلفون منى ضرب ،،
إبراهيم شال التلفون وعاين
،ورفض المكالمة o_O .
منى:ههههههه إبراهيم إنتي
ماجادي ولا شنو !! مالك رافض حسي .
إبراهيم :ياخ مش الرقم الآخرو
66 ده بعرفوا ، ماتخلي يخرب لينا القعدة.
منى:إبراهيم إنت جادي o_O
إبراهيم:لا لا والله مابعرفوا
تلفون منى ضرب تاني ،،
منى وهي ماسكة التلفون ،
ضربت إبراهيم وقالت ليو :بايخ .
ردت منى وكان الضارب د.ياسر
،
ياسر بعد سلم علي منى قال
ليها دايرك في موضوع ، داير ألاقيك بعد إذنك وإذنك زوجك طبعآ ،
إبراهيم بقى ساكت وبراقب
في منى خصوصآ لما قالت ليو :د.ياسر !!! .
ياسر قال لي منى شوفي الوقت
والمكان المناسب معاك وأديني خبر ، ده رقمي .. .
منى قفلت منو وكلمت إبراهيم
بأنو قال داير يشوفها ،
إبراهيم يإستغراب : وداير
منك شنو هو ؟
منى:الله يا إبراهيم وأنا
حاعرف من وين؟!! ، أديك شايفني بتكلم معاه يا دابي .
إبراهيم : لا ماقصدي شئ
، بس حيكون داير شنو ؟ وإشمعنا إنتي بالذات .
منى : ما عارفة ،والمهم
أمشي ولا إنت معترض ،عند رأيي يعني؟
إبراهيم :طالما ما هو طلبك
وقال دايرك في موضوع يبقى تشوفهو مالو
منى: طيب ، وحتوصلني إنت
للمكان .. .
إبراهيم :أكيد .
منى إتفقت مع د.ياسر علي
المواعيد وإبراهيم وصلها ،،
منى سلمت علي د.ياسر ،وسألتو
عن أحوالوا وعن زوجتو وأولادو ،وقعدت تشوف الموضوع ،،
د.ياسر قال ليها إنو الجامعة
محتاجة أساتذة تدريس ومساعدين ، وإنت شهادتك كانت قوية ،ومعروفة أصلآ لناس الجامعة
وتقديرك يشفع ليك ،
وأنا قلت ﻷإدارة عندي زول
حأشوفو ليكم ، المرتب كويس شديد يامنى،
وحتشتغلي ساعات بالحساب
،رأيك شنو ، تجيبي أوراقو وتتعيني علي طول .
منى:أممممم تسلم يادكتور
والله علي منحك لي الفرصة دون غيري ،
بس أنا قدمت لشغل مع محامي
كبير وإحتمال يشيلني معاه.
ياسر:مابيمنع إنك تشتغلي
في الجامعة ،عندك أنا شغال في الجامعة وبرة الجامعة كمان
منى:الوضع بيختلف يادكتور،
أنا علي مسؤولية بيت كمان ، وبعدين يمكن إبراهيم ما يوافق
ياسر:إنتي حسي فكري وما
تدي قرار طوالي ،شوف رأيي زوجك ورتبي أمورك وأديني خبر ،
وبتمنى ما تفوتي فرصة زي
دي
منى:ربنا يهون إن شاء الله.وبشكرك
للمرة التانية .
منى ضربت لإبراهيم عشان
يجيها وإبراهيم عربيتو إتعطلت ،د.ياسر أصر يوصلها بس هي رفضت وقالت ليو إبراهبم حيجي.انا
حأنتظروا لأننا طالعين ، مشكور .. .
ياسر طلع وخلى منى ،
منى رفضت لأنها خافت إبراهيم
يتحسس ،ضربت ليو تاني وقالت ليو تعال نتغداء هنا ونرجع البيت ، إبراهيم جاها فعلآ وطلبو
الأكل ،
منى حكت لإبراهيم موضوع
ياسر ،
إبراهيم :لا يامنى ، وبدون
نقاش في الموضوع ده، شغل في جامعتك لا ،
منى:أنا مابقنع فيك علي
فكرة
إبراهيم :عشان عايز يشوفك
في الطالعة والنازلة صح ؟ كفاية جدآ شغلك في المكتب
منى:إبراهيم !!!
ماتقول كدة ، البينا إنتهى
من سنين ، وهو زول متزوج وبي أولادو ،وبعدين يشوفني عشان شنو ؟ وأنا زولة متزوجة سلفآ
،
، ثم ثانيآ إنت الضمنك شنو
يشولوني في المكتب مش يمكن يختارو زول غيري !
إبراهيم : منى انا العندي
قلتو ، حتى لو ما إشتغلي في المكتب القدمتي ليو ده ، شغل مع ياسر ماداي.ر
منى:طيب ياياسر ، آآه ماقاصدة
يا إبراهيم ، الدايرو حيحصل ،،
وأنا حأضرب أوريهو ،
إبراهيم عاين لي منى وسكت
،،
)إضايق لما منى غلطت وقال
ليو ياسر ( .
قال ليها يلا نمشي البيت
،
رجعو البيت وإبراهيم لحدي
بالليل كان مضايق ، منى جابت الجبنة وأبى يشربها.
والصباح فطر معاها عادي
بس ما كان طبيعي ،ماكلام إبراهيم ولا تصرفاتو ، ما إبراهيم حبيب منى ،البتشتاق في كل
مرة تبدأ معاه يوم جديد .
والمساء لما جاء راجع البيت
،ولسه متغير، منى إتكلمنت معاه .. .
إبراهيم مالك ؟ في شنو متغير
معاي ؟
عشان موضوع أمس ،ياخ والله
مادايرة الشغل ده ، وبعدين أنا ذنبي شنو ؟ أنا مامشيت لي ياسر هو الجاني !
شغل ما دايرة في الجامعة
وبي رضاي كمان ،
)إبراهيم سكت وما رد علي
منى (
منى:إبراهيم عاين لي في
عيوني ، في شنو ؟ ولا عشان قلت ليك بالغلط يا ياسر !!
ياخ ماعادي ، نحنا كنا بتنكلم
عنو ،يعني ماتكبر الموضوع ساي.
إبراهيم: منى الموضوع ده
خلاص، أقفليه .ماداير كلام تاني فيهو .
منى إتنهدت وقالت ليو :خير
، وسكتت .
بعد كم يوم منى ضربوا ليها
ناس المكتب وقالوا ليها بتعتزر ما لقيتي فرصة معانا ، العددية قفلت ،
منى كلمت إبراهيم وكانت
لسه ماضربت لي ياسر ، إبراهيم قال ليها خيرها في غيرها وسكت ، وماجاب ليها سيرة الشغل
في الجامعة .
منى بعد كم يوم ضربت لي
د.ياسر وكلمتو بإنها مابتقدر تشتغل معاهم في الجامعة وشكرتو علي الفرصة ،،
منى كلمت إبراهيم بموضوع
ياسر ورفضها ، وقامت منو ، إبراهيم مسك إيدها ،منى وقفت ،وإتلفتت علي إبراهيم
.إبراهيم:معليش
منى:علي شنو؟
إبراهيم:علي الحصل، يعني
فوت عليك أنا فرصة كويسة ،
منى كل الموضوع ماكنت دايراك
تحتكي بيهو ولأي سبب من الأسباب .
منى:خلي ثقتك أكبر من كدة
يا إبراهيم .. .
)منى حاولت تفك يدها من
إبراهيم ،إبراهيم مسكها عليو ، قام علي حيلو ،
قرب من منى ، وخدت إيدو
علي خدها وهمس :منى .. .
أنا ثقتي فيك ما بيهزها
شئ ، وما عندي أدنى شك فيك وفي حفظك لي حقوقي ،حاولي أفهميني ،،
منى إتنهدت : حصل خير يا
إبراهيم ،
حصل خير .. .
إبراهيم :إشتقت ليك
منى:أحم .. .
الجبنة في النار ،، ومشت
من إبراهيم ،،
)إبراهيم ضحك فيها(.
رحاااااب قالت لأبوها عندها
عرس صحبتها وجات مع أخوها أيمن ،
ولسه ما نست إبراهيم ...
ليست هناك تعليقات:
إرسال تعليق