الجامعة
فتحت... نزلو السنة الأخيرة وكلهم داقين الجرسة ،عرفو إنو د.ياسر جابت بت بتشبهو قالو
وخح.سميرة أمها ماتت ؛هههههه طبعآ الفعة كلها قالت ياريت لو كانت هي ،المهم والما عرفو
خطوبة منى باركو ليها ، وطارق بارك ليها وبقى يدردش معاها :حسي ياااا منوش خلاص ودعتي
عالم البورة وكدة o_O
منى:ههههههه
ومن القال ليك أنا كنت بايرة أصلآ .
طارق:بالله!
إنت الله سترك،وإبراهيمك ده لحقك ساي وإلا ......
منى:يلوي
حنكك ،وإلا شنو
طارق:إلا
كان الضحك شرطك ،كان تشتري ليك دلوكة وتتلمي
إنتي وهالة وعفراء ذايد البرنسسيسه أميمة وتغنن ،)يابهية وشباب الزمن حنية وعرس مااافي( .
منى:هههههههه
شكيت محنك ،طارق ده كلام شنو ده ياود :O، لقطتها
من وين دي o_O !
طارق:والله
ده جعفر ،وراني ليها جعف ،البلاوي كلها منو هو
جعفوري
جاء قطع كلام طارق قبل مايكملو :سامع إسم رنان بيندهو بي هنا o_O
منى:جعفوري
مالك ضعفت كدة ، إشتغلت في الإجازة دي ولا
شنو .
جعفر:عشان
إنتي ما جايبة خبر ساي ، وماف تسالي ؟قصدي مابتسألي من الناس؟ بقيتي تنقنقي ليلك ونهارك
..إبراهيم إبراهيم ،عفراء ضحكتني ضحك قالت لي )إبراهيم بقينا نعرف أخبارو من منى ،أنا
أختو شبه نساني( هههههههه.قلت ليها ياها ذاااااتها جاء وراء وحجز الضرى .
منى:يا
اخوانا ما خطيبي ،أعرفو كيف لو ما إتكلمت معاه
،عشان أكون عارف البيحصل من حسي وما أتفاجأ بعدين
جعفر:هههههههه
وإن شاء الله إنتي مأملة تعرفيو قبل ما يتنيل ويعرسك !! ،لالا يا ختي النطمنك ،حسي
حب ودلع وشئ ما بقدر أنوم قبل ما أسمع صوتك وشئ أنا بفكر فيك اليوم كلو وحاجات تانية
مافي داعي لذكرها ...
المهم
يا الأستاذة المخطوبة ..اللي حيحصل كالأتى:
حب حسي
وحتعرسو وسنة سنين سعادة وتاني الحكاية تقلب ..يامرة ماتجيبي الأكل ،الهدوم دي ليييه
ماغسلتيها، وتضرب ليو يطنشك ويقول أه ، ويومكم
البيعدي بدون نقة وشكل حتستغربو ليو ههههههه وكفاية لحدي هنا عشان بطنك ما تطم ،دي
مجرد نبزة قصيرة عن القفص الصدري آآ قصدي الذهبي
.
منى:هههههههه
فييييك الخير ما قصرت يا أخوي ،لكن إبراهيم ماكدة ؛ولا حيكون كدة؛أنا ماعرفتو خلاص .
جعفر يحاكى
منى ،ويرد عليها:بكرة بعد يبقى ليك وردي وردي بتقولي جعفر قال ،بعدين شوفي هو من إسمو
ماببشر بالخير "إبراهيم " بداية إسمو إبر ..الله يستر ماتكون حقت نجادة بس
.هههههههه
منى:ههههههههههههههه،الله
يجازيك يا جعفر ،يازول إنت صم خشمك عليك وماحيحصل شئ إلا تنق في أييي شئ ،طير يلا من
قدامي أمشي شوف زوبة الليلة لابسة شنو ،بس ما تنجلط.
جعفر: :،إنجلطت قبيييييييل ياختي ،منى ماتجي تقنيعيها
لي نعرس ،، ونسكن في بيت أبوها ؛حسي أنا ماوجهه؟ومش هي دايرة سعادة؟بعيشها ليك وتتبسط
للضرس اللسة ماقام.
منى ضربت
جعفر بي جريدة كانت في يدها وقالت ليك قوم من هنا أصلك ما فيك فايدة ولا منك رجا زوبة
شنو البتعاين ليك
أمجد:منى
يامنى .دبلة وحركات ، يعني خلاص كدة
منى:شفت
دبلتي راقية كيف،آآي يا أمجد خلاص ،شبه مسؤولة تاني
أمجد:يعني
الكان خاتي عينو كلو بعد ده حيقننع )إهي إهي إهي
خرشتي
مصراني قصدي قلبي
منى:ههههههههههه
،بطل إستهبال ياود ،بعدين تعال ويييين بت خالتك،إسمها منو كان ...أمممممم حنان حنان
،مالها ؛صرفت النصر عنها ولا شنو ؟
أمجد:أنا
لا صرفت نظر لا صرفت ماهية ،من البداية دي حركات أمي ،البت مدلعة ياااخ ،كان جاها صداع
ساي يرقدو بيها مستشفى ،والليل كلو تكون مساهرة بي الناس ،يوم داك كانت عيانة قلت لأمي
إن شاء الله تودع عشان الناس دي ترتاح ،
أمي نفشتني
نفشة أنا بقيت كايس للطريقة البتسكت أمي مني هههههههههه.
منى:هههههههه
الله يعينك يامتمرد.
وإستمرت
الونسة واليوم إنتهى ومنى رجعت البيت،
منى ليها
فترة ملاحظة لعزيز متغير ..بعد إتغدو عزيز شال الصينية ودخل المطبخ منى قامت بي وراو
..منى:عزو دقيقة خليك معاي دايرة أظبط الشاي ،نتونس شوية
عزيز:أممممم
خير ،شايك ده ما تكتري ليو النعناع كرهتينا بيو
منى:سمح
الليلة أعملو ليكم بي غرنفل ،لكن قرنفل أمك ده معتت ليو سنتين ونص عديل
عزيز:ههههههههه
لا لا هيييي جنآ بتعرفو ولا جنآ مابتعرفو .أعمل لينا نعناعك ده ساي.
منى:شفت
؛لفيت وجيتو تاني ،أها الشغل ماشي كيف ،السوق
كويس ولا نايم؟
عزيز:والله
يامنى شوية كدة شوية كدة ،مدردشين،وفي الأيام الجاية دي داير أجيب لي بضاعة في حاجات
كدة ناقصة ،أها الليلة نزلتو خلاص؟
منى:آآي
والله،واااي ياعزيز السنة دي الله يمرقنا ساي ،ناويين علييينا نية سودة
عزيز:هههههه
أمشي ياااا سيد جرسة ،أسطوانة كل سنة كالعادة،
من:هههههههه،لالالا
والله ،السنة دي حيصفونا ماحيخرجونا كلنا وبعدين في بلوة راجيانا إسمها بحث التخرج
،آآآآخ الله يعين بس ،
أمممم
وتاني في شنو غير الشغل أحكي..شايفاك ليك كم يوم كدة ماتمام، أماني ولا شنو
عزيز:هههههه
وكت عارفة بتسألي مالك
منى:عرفت
الموضوع داخلة فيو هي ،لكن المشكلة شنو بالضبط ؟
عزيز يتنهد:والله
يامنى الأمور جاطت؛أماني بت حلال وكل شئ بس ماداير أعلقها بي ساي ،البت كل يوم داقي
باب زول وبترفض عشاني أنا ،وأنا زي ما إنتي شايفة ماجاهز لموضوع عرس عديل ،يعني كان
عملت خطوبة ماحيخلوني أكتر من سنتين ، وماعارف والله يامنى أعمل شنو ،بقيت جايط عديل
،وأماني متمسكة بي ،وقالت مابهمها أي شئ ،وجاها ود خالتها مهندس رفضتو برضو وبقت تتحجج،أمها
قومت الدنيا وقعدتها،لدرجة إنها قاطعتها فترة ،
وأنا حاسي
بالذنب عدييييل ،البت معلقة بي سببي ،ورفضت فرص كتيييييرة كانت أكتر من كويسة
منى:أمممممم،
أماني بالجد بت تمام؛أنا حكيت لي بي موضوع ود خالتها ده قبل فترة،وظاهر والله ياعزيز
البت دي دايراك، خالتو آمال ماعندها مشكلة فيك وما أظن ترفض لكن هي الواجعها إنو أماني
بترفض بدون أسباب مقنعة،وهي عارفة اخلاقك وسيرتك هنا كيف،
فرأيك
شنو نكلم أبوي وأمي ونمشي ليهم ،وإنت طلع من قروشك المحوشها دي شوية،نشتري دبل وباقي
الحاجات،
أها وقبل
ما أنسى أنا عندي حاجات من أيام خطوبتي ما إستعملتها ولا حأستعملها ،إبراهيم جابها
كتييييرة شديد وربعها أنا ما كملتو ،حأشيل منهن ونزخرفن ونمشي نتقدم رسمي عشان تكونو
واضحين وتاني ما في زول يتقدم ويفتح خشمو ،بعدين أماني متأثرة شديد ،كل مرة تقول لالا
، وأمها وأبوها واقفين ليها علي حيلهم،
عزيز:منى
ماااااااالك دايرة تدخلي الفكرة في رأسي
منى:ههههههه
التدخل ساي يا أخوي،والله أنا جادة معاك ياعزيز،وماتفكر في قدام شديد يعني تشيل هم
موضوع العرس والسكن والجوطة دي،ربك كريم بتتدبر إن شاء الله.إنت أبدأ الأول
عزيز:آآي
والله،خلاص أنا حأفكر في الموضوع وبكرة نشوف البيحصل شنو ،لكن ريحتيني بي كلامك ،وأماني
لو عرفت حتفرح فرحة مابعدها فرحة ،شجعتيني يامنى
يلا بعد
كدة نشرب شايك الأبى ينجض ده بي مزاج.
منى:هههههههه
،الليلة أبوي بوريني ليو،جنو وجن الشاي يتأخر ..
عزيز لما
فكر في كلام منى حس إنو هم كبيييير نزل من قلبو ،وماكان خاتي موضوع خطوبة في بالو عشان
ما يجرجر أماني بت الجيران السمحة الرايقة معاه، لكن قرر يريح أماني ويرتاح هو كمان
من هاجس ممكن يجي زول وأبوها يغصبها لأنها رفضت بما فيه الكفاية ،...
إبراهيم
ومنى العلاقة بينهم بقت أكتر من حلوة ،، ومنى بتحكي لإبراهيم تفاصيل يومها كلو وكذلك
إبراهيم ،،
إبراهيم:منى
مااا تجي نعمل عقد
منى:ههههههه
طبعآ كنت حأستغرب لو ما طلبت كدة قبل السنة دي ماتنتهى .لا يا إبراهيم ،عقد لا .
إبراهيم
:طيب ورقتين عرفي كيف .
منى:هههنههههههه
،رايق إنت ،مادايرة أتجرجر ياخ ،فضل سنة بس ،سنة واحدة يعني 12شهر ،265يوم وفي رواية
أخرى أكتر من كدة طبعآ
إبراهيم:لا
رأيك شنو نخليها بعد خمسة سنة ،أنا أعرس لي واحدة بي جاي وبعد ترضي إنتي علي روحك نعرس
نحنا،مش فكرة;-)
منى:في
عينك
إبراهيم:ههههههههه
،ياستي اول ماتخلصي إنتي العرس طوالي وبدون نقاش ،حسي الحاج قال لي البيت ماشي كويس
مافضل شئ كتير ،والتشطيبات الأخيرة زي السراميك ولون البوماستك والعفش والتفاصيل دي
بعد أجي الإجازه عشان نتختارها سوا ،ماشي؟
منى:أمممممممم
خير خير ،كدي بعد أشوف
إبراهيم
تشوفي شنو يابت o_O
مافي أي
نقاش في الموضوع ده .
منى:حتعرسني
بالغصب مثلآ
إبراهيم
:لو إضطريت ،آآي والله .
منى بعد
المكالمة مشت نامت وتاني يوم مشت الجامعة وبعد جات إبراهيم ضرب ليها ،،
أثناء
ما بتكلمو سامعة صوت عربات ،إبراهيم قال ليها انا ومحمد نازلين ناكل ،وداير يقول ليها
حأرجع ليك بعدين فجأة...
منى سمعت
صوت فرامل قوييييي وابراهيم ما إتكلم تاني وسامعة صوت محمد من بعييييييييييييد بيقول
إبراهيم إبراهيم ،و صوت جوطة شديدة .
منى نزلت
التلفون ختتو جنبها وبي الرااااااحة ويديها بترجف وضربات قلبها ذايدة قالت : إبراهيم
ليست هناك تعليقات:
إرسال تعليق