منى قالت لي عفراء دايراك في
موضوع ،
عفراء:خييير يامنى؟ في شنو مالك؟
منى:لا ماتخافي يابت مافي شئ
،بس إبراهيم نفسياتو زي ماشايفة إنتي براك ما بتبشر بالخير ،وقال لي انا ما داير أواصل
معاك ونحنا القسمة مابيناتنا يابت الناس
عفراء:شنو؟! وإن شاء الله إنت
ناوية تخليه ؟!
منى:بتبالغي طبعآ ؛أكيييد لا يأيت ، ولا حأفكر في كدة ،
عفراء إبراهيم محتاج لي زمن
،ومحتاج وقفتنا كلنا جنبو ،
الموضوع الدايراك فيو )منو أقرب
واحد في العيلة لإبراهيم،يعني صحبو شديييد ؟(
عفراء:أممممممم مرتضى ود خالتو
عفاف ،هو ود خالتي طوالي ،قرييييب لإبراهيم شديد ،
مرتضى ده أخو ملاذ؟
عفراء:علييييييييك نووور ،بس
ياهو ذاتو
منى:إبراهيم حكى لي عنو والله
،خلاص أديني رقم مرتضى ده دايرو عشان نتواصل ونشوف موضوع العلاج الطبيعي لإبراهيم..
عفراء:أمممممم كويس ياستي ،كلام
جميل
منى:أنا بعرف واحدة شغالة في
مركز كبير حق علاج طبيعي ،ناسو شاطرين هناك ،
بت جيرانا طوالي هي ،
حأشوف مرتضى عشان يكلم عمو بابكر
،وإبراهيم خلو علي أنا .
منى شالت رقم مرتضى وضربت ليو
..
منى:السلام عليكم ،مرتضى كيف
الحال؟
مرتضى:وعليكم السلاااام ورحمة
الله ،الحمد لله نعم الحال ،تسلمي
منى:أمممم أنا منى أحمد عزيز
،خطيبة إبراهيم
مرتضى:أهلآ إهلآ ،بزوجة الغالي
المستقبلية،كيفك ياشابة؟
وحمد لله علي سلامة الشاب ده
والحمد لله ،البركة في روحو
منى:الله يسلمك ياخ،وفعلآ الحمد
لله ،قدر أخف من قدر،
مرتضى عفراء حكت لي إنك قريب
من إبراهيم،وأنا دايرة أوديهو مركز علاج طبيعي يتابع معاهم،
عفراء قالت عمو بابكر إتكلم
معاه بس إبراهيم رافض تمامآ وقال ماداير نقاش في الموضوع.
مرتضى:كييييف يعني رافض،وعم
بابكر خلاه ساي؟!!
منى:إبراهيم في فترة صعبة وأقل
حاجة بتنرفزو،قال ماف زول يكلمني في الموضوع ،
المهم المركز الأنا حأوديهو
ليو شغالة فيو بت جيرانا ،وأنا شلت فحوصات إبراهيم وأوراقو ومشيت معاها ،قيمو الحالة
والدكتور قال لي متابعين معانا زي حالتو كتييييير وفي تحسن واضح في حالتهم،بس الموضوع
محتاج زمن وصبر وعزيمة قوية ،
فأنا كلمتك حسي عشان إنت حتكون
معاي أثناء تواجد إبراهيم في المركز،توديهو بالعربية وتكون معاه عشان الحركة ،إنت عارف
الكرسي ... ،
وقبل ده كلو لازم نقنعو أنا
وإنت طالما رفض لناس البيت وهو أكيد حيوافق ولو بعد عناد.
مرتضى:كلام جميييييل والله يامنى،وأنا
ماعندي آآآي مشكلة ،وحأقنعو معاك وحأكون متواجد معاك فترة العلاج ،هيما ده زول ماساهل
والله.
منى: بعد نقنعو ،إنت حتكلم عمو
بابكر عشان إجراءات المركز والرسوم .
مرتضى:خير إن شاء الله وتسلمي
يامنى.
منى ومرتضى بعد تعب وحجج وزمن
أقنعو إبراهيم ،
ومنى قالت لإبراهيم نحنا نمشي
نجرب فترة ولو ماف تحسن والله أنا الحأطلعك منو ومابستناك تطلع براك،بس يا إبراهيم
خلي عندي عزيمة ،وإصرار،ربنا قادر علي كل شئ ،نجاك من الموت ،ماكبيرة عليهو كونو يرفعك
ويخليك تمشي من تاني ،خلي ثقتك بربك كبيرة قبل ثقتك في نفسك،
ووالله يا إبراهيم أنا متفاءلة
شدييييييييد وحاسة بحماس ،دايراك تكون قوي من جوة ومليان أمل عشان العلاج يمشي سريع،
وترجع تمشي ،ماعشاني أنا ،عشان
أمك الست التعبانة بي تعبك،خالتو علوية بتتعب لما تشوف نفسايتك كدة ،
يااا حبيبي ،أضحك ،والله البيت
بيضحك معاك لما تضحك،خلي البيت ترجع ليهو روحو،
)إبراهيم بيسمع في كلام منى،وبتأمل
فيهو كلمة كلمة،بس ماكان برد عليها(.
إتونس معاهم حبيبي ،أكل أشرب
عادي،ماعشان قعدت في كرسي مؤقت تتأزم كدة،أنا معاك هي صعبة وكل شئ وحاجة ماساهلة والله
،لكن إعتبرها تجربة ،إبتلاء من ربنا عشان هو بيحبك،
إبراهيم أسمعني كويس )إنت حتقوم
وتمشي وتلعب الكورة البتحبها إن شاء الله،والله ياااا إبراهيم أنا حاسة بي كدة ،ما
بجاملك فيك أو بحاول أقويك بي كلامك مزيف،بعدين نحنا خسرانين شنو،اهاو نقضي وقت مع
بعض أكتر بعيد من جو البيت ،أحم ،ووووو كدة
(
إبراهيم إبتسم..
منى::-D
: -D شفت شفت البيت نور كيف ،أيوة كدة ياخ ،انا إشتقت لإبراهيم القديم ،
)أحم؛بقيت افلت كتير صح o_O ( .
إبراهيم:أمممم يعني زمان ماكنتي
بتفلتي مثلآ
منى:طبعآ ،زمان كنت برفع ضغطك
صح
إبراهيم:البرفع ضغطتي ذيادة
إنك عارفة كدة ..
مرتضى:أحم ،والله ياجماعة أنا
لسه ماقمت من هنا ،يعني أتفكفك مثلآ وأخلي الجو ..
منى:ههههههه لالالا خليك أنا
المتفكفكة يا أخوي ،ماشة البيت الضهر قرب يأذن ،
يلا يا إبراهيم يوم الخميس حنبدأ
،جهز شعورك .
)في أمان الله(.
مرتضى بعد فاتت منى؛جاء قعد
جنب إبراهيم :إبراهيم البت دي ماااا في منها نسخة ياحبيبنا .
إبراهيم:هههه لالا ماف ،هي بس
مرتضى:والله صراحة البت تكيف
خصوصآ....
إبراهيم يقطع كلامو :مرتضى لو
قلت نص كلمة تاني حألفك بالكباية دي ،أنا فاهمك كوييييييس
مرتضى:ههههههه ،دايمآ فاهمني
غلط ياخ o_O .
مرت الأيام وإبراهيم بدأ علاج
طبيعي مع ناس المركز ،
منى إستشارت حاج أحمد في حكاية
مشيتها مع إبراهيم للمركز كل ما يمش ،
منى:أممممم ،أبوي إنت شايف فيها
حاجة؟ يعني ما عادي حكاية إني أتابع معاه دي؟
حاج أحمد:شوفي يامنى يابتي،
إبراهيم ماغريب عنك ،زول خطيبك ولو ربنا سهل حتكوني زوجتو في المستقبل ،وهو في فترة
صعبة ،نفسياتو ملخبطة ومحتاج زمن عشان يرجع، أنا مابحميك ؛لكن كل شئ وليهو حدود يابتي
،
يمكن حكم قرابتك ليو إنتي ما
زي الباقين ،والواحد فينا لما يقع بيحتاج البيقيفو جنبو،
خليك معاه، قويو ،بالطريقة الصح
يامنى،وإنت بتي وبتفهميني كويس
منى:أكيييد فهمتك يا أبوي ،وكمان
ماتخاف أنا بقدر أوفق بين الجامعة ووقفتي مع إبراهيم ،والحمد لله ربنا يسرها علينا
،ميادة بت عمو ميرغني شغالة هناك وحتيسر لينا أمورنا .
حاج أحمد:ربنا يجعل ليو الشفاء
فيها ويصلحو إن شاء الله.
إبراهيم بدأ العلاج ومنى متابعة
معاه في كل خطوة ومرتضى كان بيجبو بالعربية ويقيف معاه ويحركو بالكرسي ومنى بتساعدو
،
منى بقت مابين الجامعة وإبراهيم
،
مرت الأيام وإبراهيم متابع مع
العلاج الطبيعي ،زهج بس منى كانت بتقيف جنبو وتقويه ،عشان يواصل ،
وفي مرة منى حبت تغير جو لإبراهيم
،كلمت جعفر وعفراء ومرتضى بفكرة يطلعو يدغدو برة ..
وافقو كلهم ،وطلعو من المركز
علي المطعم ،
منى قالت لإبراهيم أنا وإنت
حنختار الأكل علي مزاجنا ماشي .
إبراهيم:طبعآ ماشي
جعفر:هوي هوي ،ده كلام شنو ،بلا
حنختار بي مزاجنا معاك،وحتاكلي بي مزاجك كمان ،إبراهيم لو جبتو الأكل ده حتأكلو براكم
كلمتكم من حسي أنا أنا
إبراهيم يضحك ،
منى:هههههههه مستحيييل تسكت
علي حاجة ،نهائي .
مرتضى:عفراء حتختاري إنتي أنا
بثق فيك لكن الباقين ديل o_O
جعفر:يلا ياجماعة سريييع ،أنا
زول مرتبط بي زمن
عفراء:شنو منو o_O، جعفر وزمن؟!
وإستمرت الونسة وجعفر كانت يهظر
مع إبراهيم وإبراهيم يضحك ،وشاركم الونسة والقعدة كانت تغيير فعلي لإبراهيم.
إبراهيم كان مرة مرة يراقب منى
بي عيونو وهي بتتكلم وتضحك .كان بيسرح فيها ويرجع بسرعة.
مرتضى:عفراء ،جعفر ،ماتجو نخلع .
جعفر:لالالا يازول جزم نحنا
بلا نخلع معاك،جينا كلنا نرجع كلنا ده النظام ،ولا ماكدة
إبراهيم:طبعآ ما كدة ،يلا قومو
كلكم أنزلو الطابق التحت وأشربو عصير مش فكرة
جعفر :هع هع هع ،بالواضح كدة!
يلا ياعفراء و مرتضى ،نحنا ناس
عندنا كرامة برضو B-)،
وقامو منهم ،أثناء ما ماشين
منى قالت لي جعفر بالراحة.. كرامة "بالكاء "ولا" القاء"
جعفر بقى يضحك وقال ليها أحكيها
لإبراهيم ،بس مايمشي يضحك بي صوت ويشرط عينا مع المجتمع .
إبراهيم ومنى بقو قاعدين ،ويدردشو
إبراهيم:ربنا يخليك يامنى
منى:أممممممم حلوة الدعوة ،ويخليك
يارب .
إبراهيم :البينا أكبر من شكر
صح؟
منى:أكيييييد .وتستاهل كل خير
يا إبراهيم ،
وأنا عايزاك تشد حيلك ،يوم المناقشة
تكون واقف جنبنا أنا وعفراء ،وبعدين تشطيبات البيت راجياك ،ولاغيرت رأيك من حكاية العرس
البعد الجامعة طوالي o_O!
إبراهيم:أممممممم ،هو أنا لاقي!
منى:أممممم كدي التعدي بقيت
السنة ، يلا أضرب لي مرتضى يجي ،أكتر من كدة جعفوري حيشتغلنا .
إبراهيم : جعفوري في عينك ،جعفر
بس .
منى:هههههههه والله عال سنيني
دي كلها بقول جعفوري ،حسي جاي تحكمني ،
خلاص جعفر جعفر،يلا .
مررت الأيام ومنى وعفراء خلصو
السمستر الأول من السنة الأخيرة وإبراهيم لسه متابع مع مركز العلاج الطبيعي ،وحاسي
بي تحسن كبييييييير ،
وفي كل جلسة بحاولي يتقدمو معاه
خطوة خطوة ،
مرة يقيف علي عصايات مسافة ،ومرات
ياحاول يحرك أصابعو ،ومرات حاول يقيف بدون عصاية بس مانجح ،
حاول في أكتر من جلسة لما قدر
يقيف بدون مايتحرك ،
وأخيرآ في جلسة منن الجلسات
اللي كانن منى وعفراء حضور فيها وبتشجع إبراهيم ،
منى:بالراحة يا إبراهيم ،حاول
تقيف ،لالالا ماتفك العصاية وماجنبك زول ،)مرتضى مشى لإبراهيم(
منى:يلا بعد جاك مرتضى فكها
ولو حصل شئ بلحقك .
يلا بالراحة ،علي مهلك.علي مهلك
عفراء:يلا ياهيما حاول،بالراحة
،يلا يلا حبيبي.
إبراهيم يقى واقف لوحدو وحاول
يحرك رجلو ، وبعد ترقب ومعاناة إبراهيم حركة رجلو اليمين .
منى بقت مخلوعة ،ومبتسمة
وعفراء بقت واقفة علي حيلها
ودموعها نازلة،وحضنت منى شدييييد ،
وإبراهيم كانت الفرحة شايلاه
من علي الأرض ،
كانت بداية حياة جديدة ،
ربنا إستجاب لدعوات أم إبراهيم
،وإبراهيم رجع يتحرك ،في البداية كان بي صعوبة ومعناة بس مع مرور الزمن الحركة ذادت
ورجع طبيعي ،
الفرحة ملت البيت ،ومنى كانت
عايشة في سعادة كبيييييرة بسبب شوفة إبراهيم ماشي علي رجليه من جديد .
عملوا كرامة كبيرة وإتلمو الأهل
..
ومن بينهم كانت رحاب ،
شافت منى ،وسلمت عليها، منى
ماعرفتها بس رحاب عرفت منى،
إتغاظت شديييييد ،وما قدرت تقعد،فطلعت
من البيت ...
الجامعة كانت ضاغطة علي الدفعة
شافو أياما سودة وعلي الرغم من الرعب الكانو عايشين فيهو كانت أجمل أيام حياتهم ،أحلى
دفعة وأحلى تعامل ،
فيهم روح الخوة الصادقة ،شاركو
بعض في كل شئ،وكل وقتهم ضحك وهظار.
خلصت الأيام في الجامعة وناقشو
بحوث التخرج..
- وجاء وقت التخريج ..
ليست هناك تعليقات:
إرسال تعليق