منى جهزت الغداء مع حاجة فاطمة وكلهم قعدو في صينية
واحدة
منى:ياسلااااام ياخالتو فاطمة والله زمن من ملاح البامية المفروكة ؛تسلم يدك
حاجة فاطمة:بالهنا إن شاء الله،أكلي أكلي
علي:ملاح ظريف ياحاجة ولا عشان أنا ساعدت في فركو
حاجة فاطمة:ههههه كيف عاد،،أكيد عشان إنت دخلت يدك في،زكرتي علوية الله يطراها بالخير زمان قبل مايعرسوها،لما تدخل معاي المطبخ كان دقت لي توم تقول الملاح حقها ..تجي لأبوها بعد الغداء :بالله ياحاج رأيك شنو في حلة الليلة ،وأبوك شيييييييل ويشكر وهي تضحك ،ياحليلها كانت مالية البيت
منى:هههههه سلبطا شديدة وعمي يكبر ليها رأسها كمان ..عليك الله كيف هي وأولادها؟
علي:كويسييييين الحمد لله ولدها الكبير ده مسكين ياخ التقول ما مننا ،طالع لأهل أبو
منى:أحسن ليو كان طلع زيك كدة غير الجن ما يلقو وراهو شئ ،ربنا يحفظهم ليها
حاجة رحمة:آمييييين ،بملو علينا البيت وكت يجو ؛يجوطو هنا وهناك ويلعب مع جدهم والله البيت يكون ليو روح
علي :روح أناناس ولا موز ياحجة o_O
منى:هههههههه أكل أكلك ياود.
خلص الغداء وشربو الشاي وإستمرت الونسة ومنى لاقت عمها وإستأذنت تمشي البيت وعلي قدمها ...وبعد وصلت البيت
حاجة رحمة:أهلآ يا أمي كيفك
منى:تسلم علي امها في كتفها )بتحب تعمل الحركة دي كتير( ،الحمد لله إنتو قيلتو كيف ؛وناس عمي بسلمو عليكم
حاجة رحمة:الله يسلمهم ؛هم كيف رايقين
منى:رايقيييييييين الحمد لله ؛ونسة وضحك وخاالتو فاطمة ظبطت لينا ملاح بامية مفروك، فرقت وجيت
حاجة رحمة:كويس ؛ديل الليلة أكلو باقي الخدرة ما طبخت انا ؛طلعنا بالجبنة الليلة يوم الجمعية وخالتك أحلام بتسأل منك والله
منى:يسأل منها الخير ؛ياحلييييلها طولت ماشوفتها يا أمي
حاجة فاطمة :أمشي عليهم بعد تفضي ؛قومي غيري هدومك دي لابساها من الصباح
منى:أي ماشة يا أمي حأرتاح وأقرأ شوية ،ودايرة أنوم بدري الليلة.
منى سلمت علي ابوها وأخوان ،وقبل ما تمش منهم : أبوي الراجل جاب ليك القروش؟
حاج أحمد:أما جابن قال حصلن ليو ظروف لكن أنا صرفت صندوق العمال ،وبكرة ذكريني لأديك المية
منى:مابحتاجها كلها بعد ضربو الميزانية النفر حيدفع 50 يا أبوي.وانا عزمت علي معاي
حاج أحمد:خييييير يابتي،خير .عمك كيف وأولادو ؟
منى:كويسين يا أبوي بيسأل منك قال لي كنت جايو وضربت ليو إعتزرت
حاج أحمد:أي صح جاني موضوع مستعجل وماقدرت أصلو تاني .
منى بعد كملت كلامها مشت الغرفة غيرت هدومها وطفت النور وبقت راقدة ،كانت مضايقة وماقادرة تبكي ،بتفكر وأفكارها جايطة ومافاهمة شئ ،والكلمة الوحيدة البتردد فيها "ياااارب ". وفجأة تلفونها ضرب
تسنيم:منى كيفك ؟
منى وصوتها متغير :أهلييين تسنيم ،كويسة الحمد لله ،إنت كيف
تسنيم:مالو صوتك يابت
منى:ماف شئ غفيت بس ،بكرة حتجي بدري؟
تسنيم:أهاااا تمام ؛بجي أي عشان نشوف موضوع الفواكه
منى:ضروري بكرة؟أنا ناوية أمشي السوق عند قروش لاماها ولو قعدن عندي بقرضن كلهن ،وبعدين هدومي كلها قدمت دايرة اشتري حاجة جديدة خصوصآ الرحلة حتكون يوم السبت .
تسنيم:خلاص تمام ياستي أصلآ ديل بكرة حيجمعو القروش وبعدها طوالي كل زول حيظبط حاجتو ،وماشاء الله ياختي الجماعة جادييييين
منى:هههههه ماتمشي تطقيهم عين يفرتقو الرحلة
تسنيم:ياختي قلت ماشاء الله.أها عندك حاجة معينة في رأسك ولا خاشة السوق ساي؟
منى:طبعآ خاتي في بالي حاجة ،بلوزة شفون بالكحي خطييييييرة ياتسنيم كسرتني عدييييل ،كحلي غامق ،شفتها وقلت لبتاع المحل ماتفكها لأي زبون، وطلع روحي حتى رضا لي بالسعر ، قلت ليو يوم التلات حأجي أشيلها إن شاء الله ،ماكنت شايلة معاي قروش عشان كدة
وماضمنت أبوي يديني فقلت لو ما أداني حأشيل من قروشي دي وأجلي البلوزة
تسنيم :دي الكان صورتيها ورسلتيها لي ؟!
منى:بسسسس ؛انا ما نسيت إني وريتك ليها،عليك الله رأيك شنو؟
تسنيم:لالا بالجد لذيذة .
والماشي معاك منو؟
منى:ماشة معاي مرام قالت دايرة كم حاجة كدة .أرح معانا إنتي ذاتك
تسنيم:خلاص تمام انا ما ورأي حاجة خلاص أشوفك بكرة
منى:تمام ياستي في أمان الله.
منى بعد المكالمة صلت العشا وما قدرت تقرأ نامت طوالي.
أمها جات تصحيها لقت غرقانة في النوم ، خلتها.
تاني يوم الصباح منى صحت مفرفشة وحاج أحمد أدأها القروش ،منى أتوكلت علي جامعتها بعد أخدت عفو أمها وأبوها زي عادة كل يوم ،
وكالعادة سارحة في المواصلات بس بتنبه لما المحطة تقرب ،وفي الجامعة:
منى:جفوووووري الخبر ؟
جعفر:منيوتي ؛ كلو فل ،الليلة مالك مسوداها o_O؟
منى:الأسود أناقة ياود
جفعر:وبعد داك؟!
منى:ولا شئ .
المهم حتجمعو القروش الليلة صح ؟
جفعر:والما بيدفع يركب أول زول
منى:هههههه في شرع منو ده! ،ولا شكلك كدة ناوي تزوق بالبقرة
جعفر:هههههههه بقرة شنو ياخ،لكن والله ماخسارة فيكم
منى:أي ياخ خليك كدة؛ وبعدين انا حاسة إنها حتكون رحلة روووووعة،بالجد مستنياها بفارق الصبر طولنا ياخ من لمة الدفعة برة جو القراية
جعفر:أي والله..
إتلمت الدفعة وخلصو محاضرات وجمعو كل القروش عدا كم نفر ما جابو وقالو حيجيبو بكرة ،واتوزعت القروش حسب حاجة كل زول ،والوضع إتظبط ،
طارق:منى كيفك ؟
منى:أبو طريق ،بخير الحمد لله،إنت كيفنك وكيف حسع حالك؟
طارق:كلو فل ،طبعآ أنا عزمت دكتور حمزة،ونازك؛وياسر،وعبد الرحمن،عبد الرحمن وحمزه اعتزرو ،لكن ياسر ونازك قالو ما وراهم حاجة ،فحيحاولو يجو حسب كلامهم
منى:كلام ظريف يا شاب ، أهو القعدة تكون لامانا كلنا وانا حيجي معاي علي
طارق:وييييين الراجل ده ؟ زمان بجيك طوالي في الجامعة
منى:نظام بقى مسؤول وإشتغل
طارق:ههههه كويس ياخ ،بلغيه التحايا لحدي مايصلنا
منى:يوصل ياشاب يلا إذنك انا طالعة.منى وتسنيم ومرام مشو السوق وبعد لف ودوران مرام خلصت حاجاتها ومنى إشترت البلوزه الكحلية ومستلزماتها..
رجعت البيت وباشرت باقي تفاصيل يومها .
منى:ياسلااااام ياخالتو فاطمة والله زمن من ملاح البامية المفروكة ؛تسلم يدك
حاجة فاطمة:بالهنا إن شاء الله،أكلي أكلي
علي:ملاح ظريف ياحاجة ولا عشان أنا ساعدت في فركو
حاجة فاطمة:ههههه كيف عاد،،أكيد عشان إنت دخلت يدك في،زكرتي علوية الله يطراها بالخير زمان قبل مايعرسوها،لما تدخل معاي المطبخ كان دقت لي توم تقول الملاح حقها ..تجي لأبوها بعد الغداء :بالله ياحاج رأيك شنو في حلة الليلة ،وأبوك شيييييييل ويشكر وهي تضحك ،ياحليلها كانت مالية البيت
منى:هههههه سلبطا شديدة وعمي يكبر ليها رأسها كمان ..عليك الله كيف هي وأولادها؟
علي:كويسييييين الحمد لله ولدها الكبير ده مسكين ياخ التقول ما مننا ،طالع لأهل أبو
منى:أحسن ليو كان طلع زيك كدة غير الجن ما يلقو وراهو شئ ،ربنا يحفظهم ليها
حاجة رحمة:آمييييين ،بملو علينا البيت وكت يجو ؛يجوطو هنا وهناك ويلعب مع جدهم والله البيت يكون ليو روح
علي :روح أناناس ولا موز ياحجة o_O
منى:هههههههه أكل أكلك ياود.
خلص الغداء وشربو الشاي وإستمرت الونسة ومنى لاقت عمها وإستأذنت تمشي البيت وعلي قدمها ...وبعد وصلت البيت
حاجة رحمة:أهلآ يا أمي كيفك
منى:تسلم علي امها في كتفها )بتحب تعمل الحركة دي كتير( ،الحمد لله إنتو قيلتو كيف ؛وناس عمي بسلمو عليكم
حاجة رحمة:الله يسلمهم ؛هم كيف رايقين
منى:رايقيييييييين الحمد لله ؛ونسة وضحك وخاالتو فاطمة ظبطت لينا ملاح بامية مفروك، فرقت وجيت
حاجة رحمة:كويس ؛ديل الليلة أكلو باقي الخدرة ما طبخت انا ؛طلعنا بالجبنة الليلة يوم الجمعية وخالتك أحلام بتسأل منك والله
منى:يسأل منها الخير ؛ياحلييييلها طولت ماشوفتها يا أمي
حاجة فاطمة :أمشي عليهم بعد تفضي ؛قومي غيري هدومك دي لابساها من الصباح
منى:أي ماشة يا أمي حأرتاح وأقرأ شوية ،ودايرة أنوم بدري الليلة.
منى سلمت علي ابوها وأخوان ،وقبل ما تمش منهم : أبوي الراجل جاب ليك القروش؟
حاج أحمد:أما جابن قال حصلن ليو ظروف لكن أنا صرفت صندوق العمال ،وبكرة ذكريني لأديك المية
منى:مابحتاجها كلها بعد ضربو الميزانية النفر حيدفع 50 يا أبوي.وانا عزمت علي معاي
حاج أحمد:خييييير يابتي،خير .عمك كيف وأولادو ؟
منى:كويسين يا أبوي بيسأل منك قال لي كنت جايو وضربت ليو إعتزرت
حاج أحمد:أي صح جاني موضوع مستعجل وماقدرت أصلو تاني .
منى بعد كملت كلامها مشت الغرفة غيرت هدومها وطفت النور وبقت راقدة ،كانت مضايقة وماقادرة تبكي ،بتفكر وأفكارها جايطة ومافاهمة شئ ،والكلمة الوحيدة البتردد فيها "ياااارب ". وفجأة تلفونها ضرب
تسنيم:منى كيفك ؟
منى وصوتها متغير :أهلييين تسنيم ،كويسة الحمد لله ،إنت كيف
تسنيم:مالو صوتك يابت
منى:ماف شئ غفيت بس ،بكرة حتجي بدري؟
تسنيم:أهاااا تمام ؛بجي أي عشان نشوف موضوع الفواكه
منى:ضروري بكرة؟أنا ناوية أمشي السوق عند قروش لاماها ولو قعدن عندي بقرضن كلهن ،وبعدين هدومي كلها قدمت دايرة اشتري حاجة جديدة خصوصآ الرحلة حتكون يوم السبت .
تسنيم:خلاص تمام ياستي أصلآ ديل بكرة حيجمعو القروش وبعدها طوالي كل زول حيظبط حاجتو ،وماشاء الله ياختي الجماعة جادييييين
منى:هههههه ماتمشي تطقيهم عين يفرتقو الرحلة
تسنيم:ياختي قلت ماشاء الله.أها عندك حاجة معينة في رأسك ولا خاشة السوق ساي؟
منى:طبعآ خاتي في بالي حاجة ،بلوزة شفون بالكحي خطييييييرة ياتسنيم كسرتني عدييييل ،كحلي غامق ،شفتها وقلت لبتاع المحل ماتفكها لأي زبون، وطلع روحي حتى رضا لي بالسعر ، قلت ليو يوم التلات حأجي أشيلها إن شاء الله ،ماكنت شايلة معاي قروش عشان كدة
وماضمنت أبوي يديني فقلت لو ما أداني حأشيل من قروشي دي وأجلي البلوزة
تسنيم :دي الكان صورتيها ورسلتيها لي ؟!
منى:بسسسس ؛انا ما نسيت إني وريتك ليها،عليك الله رأيك شنو؟
تسنيم:لالا بالجد لذيذة .
والماشي معاك منو؟
منى:ماشة معاي مرام قالت دايرة كم حاجة كدة .أرح معانا إنتي ذاتك
تسنيم:خلاص تمام انا ما ورأي حاجة خلاص أشوفك بكرة
منى:تمام ياستي في أمان الله.
منى بعد المكالمة صلت العشا وما قدرت تقرأ نامت طوالي.
أمها جات تصحيها لقت غرقانة في النوم ، خلتها.
تاني يوم الصباح منى صحت مفرفشة وحاج أحمد أدأها القروش ،منى أتوكلت علي جامعتها بعد أخدت عفو أمها وأبوها زي عادة كل يوم ،
وكالعادة سارحة في المواصلات بس بتنبه لما المحطة تقرب ،وفي الجامعة:
منى:جفوووووري الخبر ؟
جعفر:منيوتي ؛ كلو فل ،الليلة مالك مسوداها o_O؟
منى:الأسود أناقة ياود
جفعر:وبعد داك؟!
منى:ولا شئ .
المهم حتجمعو القروش الليلة صح ؟
جفعر:والما بيدفع يركب أول زول
منى:هههههه في شرع منو ده! ،ولا شكلك كدة ناوي تزوق بالبقرة
جعفر:هههههههه بقرة شنو ياخ،لكن والله ماخسارة فيكم
منى:أي ياخ خليك كدة؛ وبعدين انا حاسة إنها حتكون رحلة روووووعة،بالجد مستنياها بفارق الصبر طولنا ياخ من لمة الدفعة برة جو القراية
جعفر:أي والله..
إتلمت الدفعة وخلصو محاضرات وجمعو كل القروش عدا كم نفر ما جابو وقالو حيجيبو بكرة ،واتوزعت القروش حسب حاجة كل زول ،والوضع إتظبط ،
طارق:منى كيفك ؟
منى:أبو طريق ،بخير الحمد لله،إنت كيفنك وكيف حسع حالك؟
طارق:كلو فل ،طبعآ أنا عزمت دكتور حمزة،ونازك؛وياسر،وعبد الرحمن،عبد الرحمن وحمزه اعتزرو ،لكن ياسر ونازك قالو ما وراهم حاجة ،فحيحاولو يجو حسب كلامهم
منى:كلام ظريف يا شاب ، أهو القعدة تكون لامانا كلنا وانا حيجي معاي علي
طارق:وييييين الراجل ده ؟ زمان بجيك طوالي في الجامعة
منى:نظام بقى مسؤول وإشتغل
طارق:ههههه كويس ياخ ،بلغيه التحايا لحدي مايصلنا
منى:يوصل ياشاب يلا إذنك انا طالعة.منى وتسنيم ومرام مشو السوق وبعد لف ودوران مرام خلصت حاجاتها ومنى إشترت البلوزه الكحلية ومستلزماتها..
رجعت البيت وباشرت باقي تفاصيل يومها .
ليست هناك تعليقات:
إرسال تعليق