منى وعفراء مشن سوا ..
وفي الحافلة قعدن في آخر كنبة
منى:يابت عفراء الكمساري بعدين ما حيسمعنا
عفراء:صفري ليو
منى:هههههه بطلي ياخ ،
عفراء :ياخ اقرب ود قولي ليو وقفو لي
منى:خلاص خلاص
الكمساري طقطق للقروش
منى دايرة تفتح الشنطة عفراء مسكت يدها :عيب يابت الليلة إنتي ضيفتي
منى:لالا في دي معليش ؛حبيبتي كلنا طلبة
عفراء :اصلآ حأديهو نص القيمة بما إننا "طلبة" ولو ما عندك بطاقة من حسي أدفعي براك وأدفعي لي
منى:ههههههه معاي معاي ؛
لما وصل الكمساري لمنى وعفراء ،عفراء أدتو فكة عاين ليها مساااااافة وسكت .
عفراء كانت ناوية عليو ..لو اتكلم معاها ما تخليو.وكانت معروفة بي شكلا للكماسرى وماااا بتخلي حقها مهما كان بسيط
منى:واي ياعفراء الود حنني
عفراء:ياختي هيي بلا حنني معاك ديل أسأليني منهم أنا
منى:أهاو اكل عيشم يابت ما تجادلي كتير ؛سيبي الأمور تعدي ياخ
عفراء:والله انتي يامنى !!
مر الزمن وعفراء جات محطتها ودعت منى ونزلت ..
منى بقت براها ولما قربت للمحطة قالت لود جنبها :معليش توقفو لي
الود وقف الحافلة ومنى وصلت البيت،دقت الباب وفتح الطيب
منى:أهلآ أهلآ ؛إزيك ياجدو
الطيب :خالتو منى ؛
منى:هههههههه خالتو عديل كيفك ؟
الطيب :تمام .جبتي لي شنو
منى:شوكلاتة كبيييييرة قدر أضان علي اخوك
الطيب :هههههههه وينا
منى:خليني أسلم علي ماما أول
منى :سلام عليكم ،خالتو فاطمة؟
فاطمة:وعليكم السلام أهلآ يامنى خشي دخلت منى وسلمت علي حاجة فاطمة وناس البيت .وين علي ياجماعة
حاجة فاطمة :علي فات الدكان حسي بجي ،الجامعة كيف معاك
منى:الحمد لله تمام ياخالتو فاطمة بس حننضغط الفترة الجاية دي عشان نهاية سنة
فاطمة:ربنا يوفقك ؛وأهلك كيف بي قادي
منى:كويسين وقت شفتهم ؛إنت براك عارفة اوضاعي معاهم
حاجة فاطمة:ربنا يهدي النفوس يابتي
منى:اللهم آمين.
وعمي كيفو ،مالو طول الغيبة زمان طوالي معانا
حاجة فاطمة:عمك والله الركب تاعباه شديد يا الله الحركة ؛والصلاة بقى إلا في الكرسي
منى:ياساتر ياساتر؛سامع ابوي برضو يشكي من الضهر ؛غايتو ربنا يدي العافية بس.
جات ألاء شايلة الصينينة إتفضلي يامنى .
منى:تسلمي يا ألوية ؛اها القراية ماشة كيف ؟
امتحنتو التجريبي ؟
ألاء :لالا لسه ؛لكن قرب بعد شهر وكم يوم كده
منى:بالتوفيق يارب ؛شدي حيلك حبيبتي
الاء:إن شاء الله دعواتكم بس، كترو منها
منى:سبحان من لا ينسانا ولا ينساك ..منصورة يارب
حاجة فاطمة :اللهم آمين؛وهي والله ماعندها مشكلة بتقرأ .
منى ماشربتي الجبنة مش؟
منى:أي والله ،لكن خليها بعد الغداء نشربا بي مزاج..
جاء علي داخل ..
بت العم
منى:هلا ود عمي شنو يسألو منك زي الحاجة السمحة
علي:أصلي حاجة سمحة ياختي
حلجة فاطمة:ىانا قايمة أشوف المطبخ
منى:أنا جاية معاك ياخالتو
حاجة فاطمة:لالا يابتي عندي طرقات كسرى داير أجرهن بس .خليك وعد أنتهى حأناديك ترصي الغداء
بقو قاعدين منى وعلي براهم
علي:أحكي
منى:ياسر
علي :إتوقعت طبعآ ، منى إنتي مشكلتك شنو
منى:والله ماعارفة ياعلي بس ما مرتاحة للموضوع
علي:ياخ الراجل شاريك ومن البداية كان واضح
منى:عارفة يا علي ،والمشكلة اني ماعارفة السبب البخلني ما مرتاحة ،
زول هادئ،خلوق ،وطيب حد الطيبة ،وبيعامل الطلبة كويس .لكن برضو
علي:طيب بعد كلامك القلتيه ليو حاول معاك تاني
منى: هو حاسي انو في زول في حياتي وانا ما دايرة أكلمو ،لأني بعد كلمتو كان مستغرب زي الما صدقني
علي:معاه حق ،ماقلتي رد مقنع .ومشكلتك يامنى مايلة ليو والحاجة دي حاسيها فيك
منى:آآخ ياعلي الشئ ده قدر ما حاولت أتجاهلو ما قدرت ،يمكن مابيظهر علي لكن هاديني من جوة هد، بعدين ياعلي شوف ظروفنا تفتكر أهلو حيرضو ؟! إنت براك عارفة زمنا ده الناس بتفكر فيو كيف
علي:منى إنتي واعية ؛كيف تقولي كدة ! بعدين الراجل حباك إنتي وماعاين لي شئ تاني ،وبعدين إنتي أصلآ أديتيهو فرصة ؟ ماصديتو من البداية
ولو كان ده سبب رفضك تكون بالغتي والله
منى:لالالا والله ده ما السبب؛وعلي فكرة هو الطردني قبيل من المحاضرة
علي:ههههههه جادة!
منى:أي والله.عشان شافني مديت الدفتر لطارق ؛يكون قايل كاتبة ليو كلام جواو؟
علي:ما أظن بس شكلو بتحسس من أي شئ حوليك
منى :تعرف ياعلي الواجعني انو ما بطرد أصلآ ؛معروف من بين الدكاترة
وسبحان الله عشان كدة الدفعة بتعمل ليو حساب
علي:زي ماقلت ليك شكلو إتحسس هو
منى:ياسيدي أهو الزمن بيعدى وما معروف البيحصل شنو ،لكن كل ما أشوفو بحس قلبي حيطلع من مكانو وما بظهر ليو ولا لأي كدة ..وعلي فكرة إنت الوحيح العارف الموضوع ،أصحابي كلهم حاسين انو ياسر تصرفاتو غريبة تجاهي بس انا ما بأكد ليهم
علي:فكري بعقلك يامنى ؛بالذات الأمور دي ..حكمي فيها عقلك كويس لأنها لا إرتباط يوم ولا يومين..ده عمر يامنى
منى:إن شاء الله .ربنا يهون غايتو.
ها قبل ما أنسى يوم السبت عاملين رحلة وأرح معانا عازماك
علي:كويس والله عاملين موضوع يعني .أشوف لو زمني بيسمح أديكم منو
منى:هههههههه ياراجل! خلاص شوف وخلي مديرة أعمالك تديني خبر
علي:أكيد عشان تعملو حسابكم طيعآ
منى:أي لازم ...
حاجة فاطمة:يلا يامنى تعالي جهزي الغداء
منى:جاية جاية يا خالتو.
يلا ياعلي ووأدعي لي معاك ربنا يصلحني في الموضوع ده لو فيهو خير لي
علي:خيييير يابتنا
منى دخلت المطبخ تجهز الغداء وعلي حس بإنها إرتاحت لما إتكلمت معاه..
وفي الحافلة قعدن في آخر كنبة
منى:يابت عفراء الكمساري بعدين ما حيسمعنا
عفراء:صفري ليو
منى:هههههه بطلي ياخ ،
عفراء :ياخ اقرب ود قولي ليو وقفو لي
منى:خلاص خلاص
الكمساري طقطق للقروش
منى دايرة تفتح الشنطة عفراء مسكت يدها :عيب يابت الليلة إنتي ضيفتي
منى:لالا في دي معليش ؛حبيبتي كلنا طلبة
عفراء :اصلآ حأديهو نص القيمة بما إننا "طلبة" ولو ما عندك بطاقة من حسي أدفعي براك وأدفعي لي
منى:ههههههه معاي معاي ؛
لما وصل الكمساري لمنى وعفراء ،عفراء أدتو فكة عاين ليها مساااااافة وسكت .
عفراء كانت ناوية عليو ..لو اتكلم معاها ما تخليو.وكانت معروفة بي شكلا للكماسرى وماااا بتخلي حقها مهما كان بسيط
منى:واي ياعفراء الود حنني
عفراء:ياختي هيي بلا حنني معاك ديل أسأليني منهم أنا
منى:أهاو اكل عيشم يابت ما تجادلي كتير ؛سيبي الأمور تعدي ياخ
عفراء:والله انتي يامنى !!
مر الزمن وعفراء جات محطتها ودعت منى ونزلت ..
منى بقت براها ولما قربت للمحطة قالت لود جنبها :معليش توقفو لي
الود وقف الحافلة ومنى وصلت البيت،دقت الباب وفتح الطيب
منى:أهلآ أهلآ ؛إزيك ياجدو
الطيب :خالتو منى ؛
منى:هههههههه خالتو عديل كيفك ؟
الطيب :تمام .جبتي لي شنو
منى:شوكلاتة كبيييييرة قدر أضان علي اخوك
الطيب :هههههههه وينا
منى:خليني أسلم علي ماما أول
منى :سلام عليكم ،خالتو فاطمة؟
فاطمة:وعليكم السلام أهلآ يامنى خشي دخلت منى وسلمت علي حاجة فاطمة وناس البيت .وين علي ياجماعة
حاجة فاطمة :علي فات الدكان حسي بجي ،الجامعة كيف معاك
منى:الحمد لله تمام ياخالتو فاطمة بس حننضغط الفترة الجاية دي عشان نهاية سنة
فاطمة:ربنا يوفقك ؛وأهلك كيف بي قادي
منى:كويسين وقت شفتهم ؛إنت براك عارفة اوضاعي معاهم
حاجة فاطمة:ربنا يهدي النفوس يابتي
منى:اللهم آمين.
وعمي كيفو ،مالو طول الغيبة زمان طوالي معانا
حاجة فاطمة:عمك والله الركب تاعباه شديد يا الله الحركة ؛والصلاة بقى إلا في الكرسي
منى:ياساتر ياساتر؛سامع ابوي برضو يشكي من الضهر ؛غايتو ربنا يدي العافية بس.
جات ألاء شايلة الصينينة إتفضلي يامنى .
منى:تسلمي يا ألوية ؛اها القراية ماشة كيف ؟
امتحنتو التجريبي ؟
ألاء :لالا لسه ؛لكن قرب بعد شهر وكم يوم كده
منى:بالتوفيق يارب ؛شدي حيلك حبيبتي
الاء:إن شاء الله دعواتكم بس، كترو منها
منى:سبحان من لا ينسانا ولا ينساك ..منصورة يارب
حاجة فاطمة :اللهم آمين؛وهي والله ماعندها مشكلة بتقرأ .
منى ماشربتي الجبنة مش؟
منى:أي والله ،لكن خليها بعد الغداء نشربا بي مزاج..
جاء علي داخل ..
بت العم
منى:هلا ود عمي شنو يسألو منك زي الحاجة السمحة
علي:أصلي حاجة سمحة ياختي
حلجة فاطمة:ىانا قايمة أشوف المطبخ
منى:أنا جاية معاك ياخالتو
حاجة فاطمة:لالا يابتي عندي طرقات كسرى داير أجرهن بس .خليك وعد أنتهى حأناديك ترصي الغداء
بقو قاعدين منى وعلي براهم
علي:أحكي
منى:ياسر
علي :إتوقعت طبعآ ، منى إنتي مشكلتك شنو
منى:والله ماعارفة ياعلي بس ما مرتاحة للموضوع
علي:ياخ الراجل شاريك ومن البداية كان واضح
منى:عارفة يا علي ،والمشكلة اني ماعارفة السبب البخلني ما مرتاحة ،
زول هادئ،خلوق ،وطيب حد الطيبة ،وبيعامل الطلبة كويس .لكن برضو
علي:طيب بعد كلامك القلتيه ليو حاول معاك تاني
منى: هو حاسي انو في زول في حياتي وانا ما دايرة أكلمو ،لأني بعد كلمتو كان مستغرب زي الما صدقني
علي:معاه حق ،ماقلتي رد مقنع .ومشكلتك يامنى مايلة ليو والحاجة دي حاسيها فيك
منى:آآخ ياعلي الشئ ده قدر ما حاولت أتجاهلو ما قدرت ،يمكن مابيظهر علي لكن هاديني من جوة هد، بعدين ياعلي شوف ظروفنا تفتكر أهلو حيرضو ؟! إنت براك عارفة زمنا ده الناس بتفكر فيو كيف
علي:منى إنتي واعية ؛كيف تقولي كدة ! بعدين الراجل حباك إنتي وماعاين لي شئ تاني ،وبعدين إنتي أصلآ أديتيهو فرصة ؟ ماصديتو من البداية
ولو كان ده سبب رفضك تكون بالغتي والله
منى:لالالا والله ده ما السبب؛وعلي فكرة هو الطردني قبيل من المحاضرة
علي:ههههههه جادة!
منى:أي والله.عشان شافني مديت الدفتر لطارق ؛يكون قايل كاتبة ليو كلام جواو؟
علي:ما أظن بس شكلو بتحسس من أي شئ حوليك
منى :تعرف ياعلي الواجعني انو ما بطرد أصلآ ؛معروف من بين الدكاترة
وسبحان الله عشان كدة الدفعة بتعمل ليو حساب
علي:زي ماقلت ليك شكلو إتحسس هو
منى:ياسيدي أهو الزمن بيعدى وما معروف البيحصل شنو ،لكن كل ما أشوفو بحس قلبي حيطلع من مكانو وما بظهر ليو ولا لأي كدة ..وعلي فكرة إنت الوحيح العارف الموضوع ،أصحابي كلهم حاسين انو ياسر تصرفاتو غريبة تجاهي بس انا ما بأكد ليهم
علي:فكري بعقلك يامنى ؛بالذات الأمور دي ..حكمي فيها عقلك كويس لأنها لا إرتباط يوم ولا يومين..ده عمر يامنى
منى:إن شاء الله .ربنا يهون غايتو.
ها قبل ما أنسى يوم السبت عاملين رحلة وأرح معانا عازماك
علي:كويس والله عاملين موضوع يعني .أشوف لو زمني بيسمح أديكم منو
منى:هههههههه ياراجل! خلاص شوف وخلي مديرة أعمالك تديني خبر
علي:أكيد عشان تعملو حسابكم طيعآ
منى:أي لازم ...
حاجة فاطمة:يلا يامنى تعالي جهزي الغداء
منى:جاية جاية يا خالتو.
يلا ياعلي ووأدعي لي معاك ربنا يصلحني في الموضوع ده لو فيهو خير لي
علي:خيييير يابتنا
منى دخلت المطبخ تجهز الغداء وعلي حس بإنها إرتاحت لما إتكلمت معاه..
ليست هناك تعليقات:
إرسال تعليق