عمر حاول
يطلع من حالة الحزن الهو فيها ،، بس ما قدر و مشى البيت حتى من دون ما يودع اصحابو
عمار صحبو فقدو و دق ليهو لقى تلفونو مقفول
عمار قلق عليهو قال فى نفسو " معقوولة عمر الكان مبسوط قبيل دا يمرق من غير ما يودع الناس دى .. اكيد فى شى "
و بهناك عمر وصل البيت قلع ملابسو و رقد ، كان عاوز ينوم عشان ينسى شوية و بخفف على نفسو و بقول .. عادى ،، يوم و ح يعدى .. !
حصل لى كتير فى الدنيا دى ما وقفت على هبةة
فتح تلفونو و لقى رسايل من عمار .. رجع ليهو
و عمار سألو اذا كان كويس و لا لا .. !
عمر قال ليهو " كويس يا عمار مافى شى "
و بدا يتونس معاهو شوية ،،بس عمر نهائى ما مجمع و اعتذر ل عمار و قفل الخط
هنا عمار قرر انو يمشى ل عمر فى البيت و يعرف الولد دا مالو .. !
هو صحبو شديد طبعا و ما يهون عليهو يشوفو الصباح ب حالة و المسا بحالة تانية خالص ،، و ما يعرف السبب
عمار كان لسة مع الشباب ،، استاذن منهم و طلع ركب طوالى ل بيت ناس عمر
و بى هنا عمر قرر فى نفسو انو يغير من حياتو ، حتى طريقة كلامو مع الناس و ضحكو الكتير و ونستو ديك ، و يخلى الغنا
و يطور من نفسو و يقرا ليهو كورسات مع الجامعة
و يشتغل مع عمو ...!
و نمشى لى ناس وجدان صحبت عمر فى بيتهم ... بتكى براها و ماف زول عارف هى بتبكى ليه ... !
عمار عارف انو وجدان بتحب عمر ،، بس عمر ما عارف ،،
قال فى بالو وجدان دى ما جات لكن اقوم اضرب ليها اسالها ليه ما جات
احتمال عمر بحبها زى ما هى بتحبو و زعلان عشان هى ما جات
ثوانى و عمار دق لى وجدان و وجدان برضو حزينة لكن ردت ... سألها من صحتها و اخبارها و سألها من عمر
قال ليها " عمر الليلة متغير شديد ما زى عادتو ،، عندك فكرة يا وجدان مالو "
وجدان من دون ما تحس لقت روحها بتبكى
و قفلت الخط
عمار استغرب شديد انو عمار و وجدان الاتنين متغيرين و حاول يصل سريع عشان يفهم من عمر الحاصل
عمار وصل و عمر ما استغرب نهائى من جية عمار و قال ليهو " عارفك يا صحبى ح تجى و لو ما جيت ما تبقى عمار صحبى البعرفو "
عمار : معقوولة يا عمر اكيد ح اجى حتى لو كنت سافرت كان ح اسافر وراك بس مالك انت ؟
ابتسامة الصباح ديك فاتت وين ؟
وشك اتقلب و حاسى بيك شوية و ح تبكى .. مالك يا صحبى ؟؟
عمر حكى لى عمار اى شى
عمار قال ليهو انت رايك شنو فى وجدان ؟
عمر : رايى كيف يعنى ؟
عمار : يعنى تكون شريكة حياتك و كدا
عمر : يااخ انت جاى تخفف على و لا تقلب على المواجع
عمار : مواجعع شنوو ؟
عمر : معقولة وجدان طيبة و حنية و اسرة مرموقة و جمال و ادب و بعد دا فايتنا فى المعدل ح ترضى بى اناا ؟
عمار : و لو قلت ليك انها مكسرة فيك
عمر : ما جاادى و بتهظر
عمار : اقسم بالله و هسى هى زعلانة بس ما ظهرت ليك .. عشان انت كنت عاوز صحبتها و شافتك زعلان لمن ما لقيتها
عمر : عمار عليك الله ،، الا وجدان ،، ما تهظر انت متاكد من كلامك دا
عمار : متاكد و نص و خمسة
و ب هنا وجدان و ناس بيتهم مسافرين و هى ح تسافر معاهم تكمل قرايتها برا ..!
وجدان كانت ح تقعد فى داخلية و تكمل قرايتها هنا لكن مسسخت ليهاا شديد و قالت احسن تمشى مع اهلها بسس
عمر ختا فى بالو انو خلاص حيخطب وجدان بس قرر انو ما يكلمها الا بعد فترة عشان يكون صلح من نفسو شوية
و فعلا عمر اتغير و رسم ليهو طريق حياه جديد و خطط لى مستقبلو كويس
و فعلا بدا عمر يصلح من نفسو و اجتهد فى قرايتو و بقى زول ماف زيو اصلا فى الجامعة كلها .. و اقنع نفسو انو ما يغنى تانى و قال فى نفسو انا اصلا الغنا ما ح استفيد منو شى انا محتاج ل حسنات ما ل ذنوب و قال فى نفسو ربنا ادانى صوت حلو و اى شى بس ما ادانى فرصة الشهرة ل صالحى و ربنا اكيد ادرى بى منى .. !
عمو شغلو معاهو و استفاد من خبراتو و عمر بقى يصرف على ناس بيتهم زى ما كان هو متمنى و عندو ورد صباحى من القراءن .. لو ما قراهو ما بطلع
و عندو برنامج كل اسبوع ..عزومة ل ناس الحى .. و بتذكر الناس المحتاجين و ما بتكلم فى زول .. و طوالى بصلح بين الناس و طول الفترة دى و الحاجات الجميلة الحاصلة ليهو دى وجدان كانت شاغلة بالو و هو ما عارف انها مسافرة وطيارتها الاسبوع الجاى
اها قبل يوم الطيارة عمر و عمو جو بيت ناس وجدان و طلبو يدها ل عمر بس للاسف ابوها رفض عشان هم ح يقعدو برا فترة طويلة و ابوها قال لى عمر .. كدا ح نعلقها و نعلقك انت زاتك ،، ف نحنا يا ولدى ما عاوزين نعلقها و لا نعلقك
عمر قاطع ابو وجدان قال ليهو طيب لو عرستهاا .. !
ح تخلوها تقعد معاى ؟؟
ح نخليها مدام ح تكون فى عصمة راجل .. بالذات لو راجل زيك يا عمر ولدى
ابو وجدان كلمها و كلم امها و امها برضو قالت على حسب رايها هى
وجدان كانت طايرة من الفرحة و ما مصدقة ،، بس برضو قالت لى ابوها
يقول ليهم استنوها تصلى صلاة الاستخارة اول
وجدان بعد صلت حست بالسعاادة و اطمنت شديد للموضوع دا و خصوصا و هى بتحب عمر
ردو ليهم فى نفس اليوم و نفس القعدة جابو ماذون و عقدو ليهمم و اهل وجدان سافرو اليوم التانى طوالى و حددو انو يعملو العرس بعد شهر و هم ح يرجعو للعرس يحضرهو و يسافرو تانى
و عمر دقا لى وجدان قال ليها " انا ما مصدق انك فى عصمتى هسى "
وجدان قالت ليهو و لا انا مصدقة ... لكن الحمدلله رب العالمين
فعلا الحمدلله رب العالمين و عاشو ناااس حلوووين و جابووو بنات و بنييين
تمت ...
عمار صحبو فقدو و دق ليهو لقى تلفونو مقفول
عمار قلق عليهو قال فى نفسو " معقوولة عمر الكان مبسوط قبيل دا يمرق من غير ما يودع الناس دى .. اكيد فى شى "
و بهناك عمر وصل البيت قلع ملابسو و رقد ، كان عاوز ينوم عشان ينسى شوية و بخفف على نفسو و بقول .. عادى ،، يوم و ح يعدى .. !
حصل لى كتير فى الدنيا دى ما وقفت على هبةة
فتح تلفونو و لقى رسايل من عمار .. رجع ليهو
و عمار سألو اذا كان كويس و لا لا .. !
عمر قال ليهو " كويس يا عمار مافى شى "
و بدا يتونس معاهو شوية ،،بس عمر نهائى ما مجمع و اعتذر ل عمار و قفل الخط
هنا عمار قرر انو يمشى ل عمر فى البيت و يعرف الولد دا مالو .. !
هو صحبو شديد طبعا و ما يهون عليهو يشوفو الصباح ب حالة و المسا بحالة تانية خالص ،، و ما يعرف السبب
عمار كان لسة مع الشباب ،، استاذن منهم و طلع ركب طوالى ل بيت ناس عمر
و بى هنا عمر قرر فى نفسو انو يغير من حياتو ، حتى طريقة كلامو مع الناس و ضحكو الكتير و ونستو ديك ، و يخلى الغنا
و يطور من نفسو و يقرا ليهو كورسات مع الجامعة
و يشتغل مع عمو ...!
و نمشى لى ناس وجدان صحبت عمر فى بيتهم ... بتكى براها و ماف زول عارف هى بتبكى ليه ... !
عمار عارف انو وجدان بتحب عمر ،، بس عمر ما عارف ،،
قال فى بالو وجدان دى ما جات لكن اقوم اضرب ليها اسالها ليه ما جات
احتمال عمر بحبها زى ما هى بتحبو و زعلان عشان هى ما جات
ثوانى و عمار دق لى وجدان و وجدان برضو حزينة لكن ردت ... سألها من صحتها و اخبارها و سألها من عمر
قال ليها " عمر الليلة متغير شديد ما زى عادتو ،، عندك فكرة يا وجدان مالو "
وجدان من دون ما تحس لقت روحها بتبكى
و قفلت الخط
عمار استغرب شديد انو عمار و وجدان الاتنين متغيرين و حاول يصل سريع عشان يفهم من عمر الحاصل
عمار وصل و عمر ما استغرب نهائى من جية عمار و قال ليهو " عارفك يا صحبى ح تجى و لو ما جيت ما تبقى عمار صحبى البعرفو "
عمار : معقوولة يا عمر اكيد ح اجى حتى لو كنت سافرت كان ح اسافر وراك بس مالك انت ؟
ابتسامة الصباح ديك فاتت وين ؟
وشك اتقلب و حاسى بيك شوية و ح تبكى .. مالك يا صحبى ؟؟
عمر حكى لى عمار اى شى
عمار قال ليهو انت رايك شنو فى وجدان ؟
عمر : رايى كيف يعنى ؟
عمار : يعنى تكون شريكة حياتك و كدا
عمر : يااخ انت جاى تخفف على و لا تقلب على المواجع
عمار : مواجعع شنوو ؟
عمر : معقولة وجدان طيبة و حنية و اسرة مرموقة و جمال و ادب و بعد دا فايتنا فى المعدل ح ترضى بى اناا ؟
عمار : و لو قلت ليك انها مكسرة فيك
عمر : ما جاادى و بتهظر
عمار : اقسم بالله و هسى هى زعلانة بس ما ظهرت ليك .. عشان انت كنت عاوز صحبتها و شافتك زعلان لمن ما لقيتها
عمر : عمار عليك الله ،، الا وجدان ،، ما تهظر انت متاكد من كلامك دا
عمار : متاكد و نص و خمسة
و ب هنا وجدان و ناس بيتهم مسافرين و هى ح تسافر معاهم تكمل قرايتها برا ..!
وجدان كانت ح تقعد فى داخلية و تكمل قرايتها هنا لكن مسسخت ليهاا شديد و قالت احسن تمشى مع اهلها بسس
عمر ختا فى بالو انو خلاص حيخطب وجدان بس قرر انو ما يكلمها الا بعد فترة عشان يكون صلح من نفسو شوية
و فعلا عمر اتغير و رسم ليهو طريق حياه جديد و خطط لى مستقبلو كويس
و فعلا بدا عمر يصلح من نفسو و اجتهد فى قرايتو و بقى زول ماف زيو اصلا فى الجامعة كلها .. و اقنع نفسو انو ما يغنى تانى و قال فى نفسو انا اصلا الغنا ما ح استفيد منو شى انا محتاج ل حسنات ما ل ذنوب و قال فى نفسو ربنا ادانى صوت حلو و اى شى بس ما ادانى فرصة الشهرة ل صالحى و ربنا اكيد ادرى بى منى .. !
عمو شغلو معاهو و استفاد من خبراتو و عمر بقى يصرف على ناس بيتهم زى ما كان هو متمنى و عندو ورد صباحى من القراءن .. لو ما قراهو ما بطلع
و عندو برنامج كل اسبوع ..عزومة ل ناس الحى .. و بتذكر الناس المحتاجين و ما بتكلم فى زول .. و طوالى بصلح بين الناس و طول الفترة دى و الحاجات الجميلة الحاصلة ليهو دى وجدان كانت شاغلة بالو و هو ما عارف انها مسافرة وطيارتها الاسبوع الجاى
اها قبل يوم الطيارة عمر و عمو جو بيت ناس وجدان و طلبو يدها ل عمر بس للاسف ابوها رفض عشان هم ح يقعدو برا فترة طويلة و ابوها قال لى عمر .. كدا ح نعلقها و نعلقك انت زاتك ،، ف نحنا يا ولدى ما عاوزين نعلقها و لا نعلقك
عمر قاطع ابو وجدان قال ليهو طيب لو عرستهاا .. !
ح تخلوها تقعد معاى ؟؟
ح نخليها مدام ح تكون فى عصمة راجل .. بالذات لو راجل زيك يا عمر ولدى
ابو وجدان كلمها و كلم امها و امها برضو قالت على حسب رايها هى
وجدان كانت طايرة من الفرحة و ما مصدقة ،، بس برضو قالت لى ابوها
يقول ليهم استنوها تصلى صلاة الاستخارة اول
وجدان بعد صلت حست بالسعاادة و اطمنت شديد للموضوع دا و خصوصا و هى بتحب عمر
ردو ليهم فى نفس اليوم و نفس القعدة جابو ماذون و عقدو ليهمم و اهل وجدان سافرو اليوم التانى طوالى و حددو انو يعملو العرس بعد شهر و هم ح يرجعو للعرس يحضرهو و يسافرو تانى
و عمر دقا لى وجدان قال ليها " انا ما مصدق انك فى عصمتى هسى "
وجدان قالت ليهو و لا انا مصدقة ... لكن الحمدلله رب العالمين
فعلا الحمدلله رب العالمين و عاشو ناااس حلوووين و جابووو بنات و بنييين
تمت ...
بقلم سلافة.
ليست هناك تعليقات:
إرسال تعليق