عمر ولد نضيف و ظريف و مشهور بخفة دمو
و اى زول بعرف عمر ماخد انطباع انو عمر شخصية فكاهية مرحة قابلة للسعادة حتى فى
اقصى درجات الحزن ، !
هو البخفف عن الناس و بواسيهم ، حتى لو كانت هو حزنان اكتر من الزول البصبر فيهو ، و بالذات الناس الماخدين شواكيش
ديل عمر كان ما بقصر منهم .. ! ^^
كمان عمر عندو صوت جميل جدا ، عندهم قعدات نهاية اليوم فى الجامعة او برا الجامعة و هو طبعا الفنان بتاعهم
و يوم من الايام عمر بالصدفة من لمحة صغيرة فى واحدة دخلت قلبو و اتعلق بيها و بقى يفكر فيها و الكلام دا لسه و هو ما اتعرف عليها
و قرر انو يلاقى الزولة دى و يتكلم معاها بس ما عارف يتصرف كيف ..!
البت اسمهاا هبة بتقرا فى جامعة تانية غير جامعة ناس عمر هى كانت جات مرة مع واحدة زميلة عمر الجامعة و دا ياهو اليوم الشافها فيهو عمر و اتعلق بيها
فى النهاية عمر ما لقى ليهو حل غير انو يكلم زميلتو دى عشان تجيبها معاها يوم تانى و يتلاقو .. صحبتو رحبت بالفكرة و اتفقو انو يوم الخميس انو ح يعملو قعدة و هى ح تجيب هبة معاها
ملحوظة " زمليتو دى اسمها وجدان "
اها يوم الخميس الصباح عمر مبسوط شديد و بقى يدندن ، يغنى شوية و يصفر شوية
" ح اشوفهاا الليله و الاقيهاا تريرمم .. اسرح فى عيونهاا و اتغزل فيهاا تريرمم "
و سرعة سرعة اخد ليهو دش و لبس و طلع وصل الجامعة عندو محاضرة واحدة اخدها و بقى لايس فى الجامعة راجى باقى الناس تتجمع عشان يمشو للقعدة المخططين ليها من يوم السبت ديك
و كان معاو صحبو اسمو عمار .. عمار لاحظ انو الليلة عمر اكوسجين السعادة زايد عندو حبتين
عمار بقى يتهابل فى عمر و يا حليلك يا عمر فى واحدة رمت ليك عرق اكيد و شغلتك كدا ؟
عمر : عليك الله اسكت و خليينى الليلة دا بالذات يا لصقهه انت
عمار : اخليك ليه .. يااخى انا بحبك اكتر منهاا
عمر : منووو دى
عمار: السارح فيها من قبيل دى
عمر : عمار زح منى
عمار : سككتناااا
بعد ساعة الناس كلها اتجمعت و قعد و اخدو ونستهم و شربو قهوة و شاى و شرياا و جنزبيل .. الخ ،، ما خلو شى ما شربوهو
بس فى حاجة مسخت لى عمر القعدة مع انو غنا و اتونس و شرب و اى حاجة
الحاجة دى انو لا وجدان لا هبة ما جو
و الناس طالعة ، عمر مسك تلفونو و ضرب لى وجدان
عمر : الوو وجدان كيييفك ؟
وجدان : تمااام والله يا عمر انت كيف ؟
عمر : بخيييير ، بس ليه ما جيتوو ؟
و هنااا وجدان سكت شوية و بدت موضوع طويييل .. و حكت لى عمر كلام زاد همو و غمو .. !
قالت ليهو انو البت مخطوبة لى ود خالتهاا و العرس فى العيد الجاى
و الكلام دا كلو ظهر فجاءة و كانت هبة ما كلمت وجدان الا لمن قالت ليها نطلع و هبة اعتذرت عشان بنات خالتها ،، اخوات العريس جايات من البلد .. !
عمر شكر وجدان و قال ليهاا خييير يا فردة و شكرا لييك كتير ،، ما قصرتى معاى والله
وجدات ردت ليو" .. على شنو يا عمر .. معقوولة ، و بعدين انا ما عملت شى "
و شكرها تانى و قفل سماعة التلفون و اتذكر ابوهو المات قبل سنة و اتذكر انو دخل الكلية دى عشان ابوهو و هو ما كان عاوزها ، اتذكر اصاحبو الفارقهم و اتذكر انو بشرب سجاير و عاوز يخليهو و ما قاادر و اتذكر انو معدلو السنة الفاتت ما كان عاجبو و اتذكر انو طول ما قرا قرأن و اتذكر حبو للغنا و موهبتو المافى زول حاسى بيها غير اصاحبو و اتذكر بت اهلو الامو خطبتها ليهو و يوم لاقها مع واحد فى كافتريا و الولد قال ليهو دى حبيبتى و اتذكر المشكلة الكبيرة الحصلت اليوم داك ، اتذكر امو العيانة و هو لازم يعمل حاجة بعد دا ،، و المعاش و مرتب اخوهو براهم ما بعملو شى
يااخى عمر دا اول مرة يحزن كدا
اتذكر حاجات كتيرة و ما فضل ليهو شى محزن مرا عليهو فى حياتو و ما اتذكرو.
بقلم سلافة.
هو البخفف عن الناس و بواسيهم ، حتى لو كانت هو حزنان اكتر من الزول البصبر فيهو ، و بالذات الناس الماخدين شواكيش
ديل عمر كان ما بقصر منهم .. ! ^^
كمان عمر عندو صوت جميل جدا ، عندهم قعدات نهاية اليوم فى الجامعة او برا الجامعة و هو طبعا الفنان بتاعهم
و يوم من الايام عمر بالصدفة من لمحة صغيرة فى واحدة دخلت قلبو و اتعلق بيها و بقى يفكر فيها و الكلام دا لسه و هو ما اتعرف عليها
و قرر انو يلاقى الزولة دى و يتكلم معاها بس ما عارف يتصرف كيف ..!
البت اسمهاا هبة بتقرا فى جامعة تانية غير جامعة ناس عمر هى كانت جات مرة مع واحدة زميلة عمر الجامعة و دا ياهو اليوم الشافها فيهو عمر و اتعلق بيها
فى النهاية عمر ما لقى ليهو حل غير انو يكلم زميلتو دى عشان تجيبها معاها يوم تانى و يتلاقو .. صحبتو رحبت بالفكرة و اتفقو انو يوم الخميس انو ح يعملو قعدة و هى ح تجيب هبة معاها
ملحوظة " زمليتو دى اسمها وجدان "
اها يوم الخميس الصباح عمر مبسوط شديد و بقى يدندن ، يغنى شوية و يصفر شوية
" ح اشوفهاا الليله و الاقيهاا تريرمم .. اسرح فى عيونهاا و اتغزل فيهاا تريرمم "
و سرعة سرعة اخد ليهو دش و لبس و طلع وصل الجامعة عندو محاضرة واحدة اخدها و بقى لايس فى الجامعة راجى باقى الناس تتجمع عشان يمشو للقعدة المخططين ليها من يوم السبت ديك
و كان معاو صحبو اسمو عمار .. عمار لاحظ انو الليلة عمر اكوسجين السعادة زايد عندو حبتين
عمار بقى يتهابل فى عمر و يا حليلك يا عمر فى واحدة رمت ليك عرق اكيد و شغلتك كدا ؟
عمر : عليك الله اسكت و خليينى الليلة دا بالذات يا لصقهه انت
عمار : اخليك ليه .. يااخى انا بحبك اكتر منهاا
عمر : منووو دى
عمار: السارح فيها من قبيل دى
عمر : عمار زح منى
عمار : سككتناااا
بعد ساعة الناس كلها اتجمعت و قعد و اخدو ونستهم و شربو قهوة و شاى و شرياا و جنزبيل .. الخ ،، ما خلو شى ما شربوهو
بس فى حاجة مسخت لى عمر القعدة مع انو غنا و اتونس و شرب و اى حاجة
الحاجة دى انو لا وجدان لا هبة ما جو
و الناس طالعة ، عمر مسك تلفونو و ضرب لى وجدان
عمر : الوو وجدان كيييفك ؟
وجدان : تمااام والله يا عمر انت كيف ؟
عمر : بخيييير ، بس ليه ما جيتوو ؟
و هنااا وجدان سكت شوية و بدت موضوع طويييل .. و حكت لى عمر كلام زاد همو و غمو .. !
قالت ليهو انو البت مخطوبة لى ود خالتهاا و العرس فى العيد الجاى
و الكلام دا كلو ظهر فجاءة و كانت هبة ما كلمت وجدان الا لمن قالت ليها نطلع و هبة اعتذرت عشان بنات خالتها ،، اخوات العريس جايات من البلد .. !
عمر شكر وجدان و قال ليهاا خييير يا فردة و شكرا لييك كتير ،، ما قصرتى معاى والله
وجدات ردت ليو" .. على شنو يا عمر .. معقوولة ، و بعدين انا ما عملت شى "
و شكرها تانى و قفل سماعة التلفون و اتذكر ابوهو المات قبل سنة و اتذكر انو دخل الكلية دى عشان ابوهو و هو ما كان عاوزها ، اتذكر اصاحبو الفارقهم و اتذكر انو بشرب سجاير و عاوز يخليهو و ما قاادر و اتذكر انو معدلو السنة الفاتت ما كان عاجبو و اتذكر انو طول ما قرا قرأن و اتذكر حبو للغنا و موهبتو المافى زول حاسى بيها غير اصاحبو و اتذكر بت اهلو الامو خطبتها ليهو و يوم لاقها مع واحد فى كافتريا و الولد قال ليهو دى حبيبتى و اتذكر المشكلة الكبيرة الحصلت اليوم داك ، اتذكر امو العيانة و هو لازم يعمل حاجة بعد دا ،، و المعاش و مرتب اخوهو براهم ما بعملو شى
يااخى عمر دا اول مرة يحزن كدا
اتذكر حاجات كتيرة و ما فضل ليهو شى محزن مرا عليهو فى حياتو و ما اتذكرو.
بقلم سلافة.
ليست هناك تعليقات:
إرسال تعليق