علي :يرفع الكباية ويعاين ليها بقعر عينو :عليك الله
ده شايك مع البنات
منى:هو إنت لو مااااا فلت بلسانك يعرفوك كيف !
أبوي يعني العربية إتصلحت خلاص؟
حاج أحمد:الحمد لله يابتي ،ربنا يسرها علينا ، بتاع الورشة حلف مايشيل مننا القروش
منى:كيف الكلام ده ياحاج؟!
عزيز:طلع أخو عثمان صحبي لو بتتذكريه ،أخوه الأكبر منو كان بجي معاه هنا ياخ
منى: أي أي كيف مابتذكرو ؛ود ممتاز خلاص
عزيز:أي والله ؛حسي هو سافر برة وطوالي معاي بالتلفون وحكي لي عثمان عنو وقال لي فتح ليو ورشة براهو وشغالة كويس بس ماقال لي مكانها
منى:أهاااا تمام ،وإنت يا أبوي مش كان عندك واحد بتمشي ليو طوالي مالك خليتو؟
حاج أحمد:لا لا ماخليتو ،لكن مشيت ليو زي الساعة 10،لقيتو مقفل .سألت مالو طه ده ياناس ما من عوايدو يتأخر ؟ قالو لي والدتو اتوفت الليلة صلاة الصبح ،من مكانا داك مشيت البيت عزيناه وطلعت طوالي ، أها حاج الضوء وصف لينا ورشة سلمان ده ،اتوكلنا ومشينا عليه ،راجل ظريف ياخ سلم علي عزيز ده سلام حار والله ،وأصر إلا نمشي كفتريا نفطر لكن قلنا ليهو فاطرين والله وجرى بعد داك جاب الشاي والجبنة ووصى أشطر مكنيكية عندو يشتغلو في العربية وبعد أديناه القروش فتحت خشمو قال لي:ليه ياعم الكلام ده مابجي والله؛
وحلف مايشيلن
عزيز:قروش الصيانة دي مابتقل عن السبعمية يا ابوي
حاجة رحمة:كتر خيرو يا ولدي ،وسبحان الله شوفو الدنيا دي صغيرة كيف ، أخوهو عثمان ده طوالي كان بيجي من عزيز أيام المدرسة ويقعد بالساعات
عزيز : عثمان زول حافظ العشرة وما ناسيها
علي:سمح مااااا كان تخطبوهو لي منى دي وتتخارج من البيت بدل هي عاملة كتمة فيهو
منى: علي أسكت ، أسكووووووت ، ده اللي الله قدرك تقولو ! حسي إنت البتتفاصح ده عمتك بشرية قالت عاجبا شديد ،إلا علي علي ،شكلها ناوية تدبسك في آموووونة ،آمونة وعلوش أسامي رنانة ياخ
علي:هههههه يابت إنتي رأسك ده ما حلو ولا شنو؟ آمونة شنو البعرسها أنا والله كان بقت آخر البنات ،شئ بلمني ما عمتك دي ما دايرو..
منى :هههههه عمتي انا براي !
حاج احمد : يلا يا اولاد تصبحو علي خير بكرة راجينا قومة بدري .انا صليت وماشي انوم قومو انتو كمان ما تأخرو العشا ..
علي: الكلام ده ماعجبك ولا شنو ياعمي ؟!
حاج احمد:لالا ياعلي بس عمك خلاص ،الكبر حصل والضهر بقى تعبان
علي:ضهر شنو يا حاج وإنت شباب ،حسي بيني وبينك مابتفتش ليك في عروس ؟
ههههههههه عروس شنو ياخ.نحنا ناس مصلاية واكل عيش بس تاني .الله يدي العافية
يلا تصبحو علي خير
كلهم وبصوت واحد:وإنت من أهل الخير
حاجة رحمة قامت منهم
عزيز:مالك يا أمي؟
حاجة رحمة:ماشة أبل لي فول وأروب اللبن واشوف المطبخ فيه شنو قبل ما انوم
علي: يلا ياجماعة انا أستأذن بعد ده لكن تاني بجيكم
منى:ههههه لا نظام ده تنبيه ؛اقعد بيت وبكرة اتوكل من هنا
علي:أممممم للدرجة دي بتريدني
منى تتنهد:لااااا شريك لك ياربي.علي أقطع وشك يلا
عزيز:هههههههه علي يلا قوم اجدعك في الظلط بالعربية البت دي حتنيشك بي حاجه لو ما اتوكلت
علي: يلا يلا
طلعو علي وعزيز
محمد جاء يدعك في عيونو :منى انا ماشربت اللبن
منى:أهلآ أهلآ حبيب منى؛حسي تشرب كباية كبييييييييييرة ؛تعال يابطل ؛
قعدت محمد في رجليها وبقت تتونس معاه :كتبت دروسك ؟
محمد:كتبتها كلللللها وبكرة أستاذة إيناس قالت حتجمع الكراسات وحتدق الأولاد الما بيجمعو
منى:شاطر حبيبي ؛خليك طوالي بتكتب وتصحح عشان بابا يفرح ؛وانا حأسوقك عشان تشتري ليك حاجة أييي حاجة دايرها
محمد:أيييييييييي حاجة
منى:هههههه هوي ماتمشي تجيب لي شئ مابقدر عليه؛حاجة تكون صغنتوتة كده زيك ياعسل
محمد:خلاص إتفقنا ...يلا انا داير اللبن
منى:يلا حبيبي تمشي نشوف ماما ذاتا بتعمل شنو في المطبخ
عزيز جاء داخل البيت
منى :عزيز دايراك في موضوع
عزيز :ضروري حسي يامنى ؟ تعبان انا خليو بكرة ااصباح
منى:ماشي ياسيدي لبكرة خلاص
عزيز:تمام ؛خلاص قولي لي طرف الموضوع عشان ما مخي يودي ويجيب
منى:ههههههههه سمح ما تقعد واقولو كلو
ماتشغل بالك حاجة بسيطة والله
عزيز:خير خير؛يلا تصحبي علي خير وماتنسي اكوي لي بنطلون وقميص ألبسن بكرة إن شاء الله
منى:تمام حسي حأقوم أكوي .
منى:هو إنت لو مااااا فلت بلسانك يعرفوك كيف !
أبوي يعني العربية إتصلحت خلاص؟
حاج أحمد:الحمد لله يابتي ،ربنا يسرها علينا ، بتاع الورشة حلف مايشيل مننا القروش
منى:كيف الكلام ده ياحاج؟!
عزيز:طلع أخو عثمان صحبي لو بتتذكريه ،أخوه الأكبر منو كان بجي معاه هنا ياخ
منى: أي أي كيف مابتذكرو ؛ود ممتاز خلاص
عزيز:أي والله ؛حسي هو سافر برة وطوالي معاي بالتلفون وحكي لي عثمان عنو وقال لي فتح ليو ورشة براهو وشغالة كويس بس ماقال لي مكانها
منى:أهاااا تمام ،وإنت يا أبوي مش كان عندك واحد بتمشي ليو طوالي مالك خليتو؟
حاج أحمد:لا لا ماخليتو ،لكن مشيت ليو زي الساعة 10،لقيتو مقفل .سألت مالو طه ده ياناس ما من عوايدو يتأخر ؟ قالو لي والدتو اتوفت الليلة صلاة الصبح ،من مكانا داك مشيت البيت عزيناه وطلعت طوالي ، أها حاج الضوء وصف لينا ورشة سلمان ده ،اتوكلنا ومشينا عليه ،راجل ظريف ياخ سلم علي عزيز ده سلام حار والله ،وأصر إلا نمشي كفتريا نفطر لكن قلنا ليهو فاطرين والله وجرى بعد داك جاب الشاي والجبنة ووصى أشطر مكنيكية عندو يشتغلو في العربية وبعد أديناه القروش فتحت خشمو قال لي:ليه ياعم الكلام ده مابجي والله؛
وحلف مايشيلن
عزيز:قروش الصيانة دي مابتقل عن السبعمية يا ابوي
حاجة رحمة:كتر خيرو يا ولدي ،وسبحان الله شوفو الدنيا دي صغيرة كيف ، أخوهو عثمان ده طوالي كان بيجي من عزيز أيام المدرسة ويقعد بالساعات
عزيز : عثمان زول حافظ العشرة وما ناسيها
علي:سمح مااااا كان تخطبوهو لي منى دي وتتخارج من البيت بدل هي عاملة كتمة فيهو
منى: علي أسكت ، أسكووووووت ، ده اللي الله قدرك تقولو ! حسي إنت البتتفاصح ده عمتك بشرية قالت عاجبا شديد ،إلا علي علي ،شكلها ناوية تدبسك في آموووونة ،آمونة وعلوش أسامي رنانة ياخ
علي:هههههه يابت إنتي رأسك ده ما حلو ولا شنو؟ آمونة شنو البعرسها أنا والله كان بقت آخر البنات ،شئ بلمني ما عمتك دي ما دايرو..
منى :هههههه عمتي انا براي !
حاج احمد : يلا يا اولاد تصبحو علي خير بكرة راجينا قومة بدري .انا صليت وماشي انوم قومو انتو كمان ما تأخرو العشا ..
علي: الكلام ده ماعجبك ولا شنو ياعمي ؟!
حاج احمد:لالا ياعلي بس عمك خلاص ،الكبر حصل والضهر بقى تعبان
علي:ضهر شنو يا حاج وإنت شباب ،حسي بيني وبينك مابتفتش ليك في عروس ؟
ههههههههه عروس شنو ياخ.نحنا ناس مصلاية واكل عيش بس تاني .الله يدي العافية
يلا تصبحو علي خير
كلهم وبصوت واحد:وإنت من أهل الخير
حاجة رحمة قامت منهم
عزيز:مالك يا أمي؟
حاجة رحمة:ماشة أبل لي فول وأروب اللبن واشوف المطبخ فيه شنو قبل ما انوم
علي: يلا ياجماعة انا أستأذن بعد ده لكن تاني بجيكم
منى:ههههه لا نظام ده تنبيه ؛اقعد بيت وبكرة اتوكل من هنا
علي:أممممم للدرجة دي بتريدني
منى تتنهد:لااااا شريك لك ياربي.علي أقطع وشك يلا
عزيز:هههههههه علي يلا قوم اجدعك في الظلط بالعربية البت دي حتنيشك بي حاجه لو ما اتوكلت
علي: يلا يلا
طلعو علي وعزيز
محمد جاء يدعك في عيونو :منى انا ماشربت اللبن
منى:أهلآ أهلآ حبيب منى؛حسي تشرب كباية كبييييييييييرة ؛تعال يابطل ؛
قعدت محمد في رجليها وبقت تتونس معاه :كتبت دروسك ؟
محمد:كتبتها كلللللها وبكرة أستاذة إيناس قالت حتجمع الكراسات وحتدق الأولاد الما بيجمعو
منى:شاطر حبيبي ؛خليك طوالي بتكتب وتصحح عشان بابا يفرح ؛وانا حأسوقك عشان تشتري ليك حاجة أييي حاجة دايرها
محمد:أيييييييييي حاجة
منى:هههههه هوي ماتمشي تجيب لي شئ مابقدر عليه؛حاجة تكون صغنتوتة كده زيك ياعسل
محمد:خلاص إتفقنا ...يلا انا داير اللبن
منى:يلا حبيبي تمشي نشوف ماما ذاتا بتعمل شنو في المطبخ
عزيز جاء داخل البيت
منى :عزيز دايراك في موضوع
عزيز :ضروري حسي يامنى ؟ تعبان انا خليو بكرة ااصباح
منى:ماشي ياسيدي لبكرة خلاص
عزيز:تمام ؛خلاص قولي لي طرف الموضوع عشان ما مخي يودي ويجيب
منى:ههههههههه سمح ما تقعد واقولو كلو
ماتشغل بالك حاجة بسيطة والله
عزيز:خير خير؛يلا تصحبي علي خير وماتنسي اكوي لي بنطلون وقميص ألبسن بكرة إن شاء الله
منى:تمام حسي حأقوم أكوي .
ليست هناك تعليقات:
إرسال تعليق