منى رجعت البيت صلت العصر ورقدت في السرير مسكت
تلفونها دايرة ترسل لي مرام رسالة ..وهي ماسكة التلفون ضربت ليها عفراء
عفراء:منوش كيييفك ،الخبر
منى:مرحبتين عفراء الحمد لله تمام إنتي كيفك ؟
عفراء:كويسة الحمد لله شبعت نوم بس الليلة
منى:يابختك والله ،أنا بالنهار مانمت وعديتها حوامة بس ،لكن بحاول انوم بدري ،
عفراء:أسمعيني أمس إنت أديتني 50 جنيه قلتي لي خليها لي في شنتطك ؟ لقيتها حسي في شنطتي وقدر ما حاولت اتذكر حقت منو ما إتذكرت والله،قلت أشوفك إنتي
منى:لالا ما تبعي ،دي حقت هالة ،مالك إنتي طاشة
عفراء:آآخ تقولي شنو بس يامنى الأيام دي تركيز ماف نهائي ،وإبراهيم أخوي مفترض ينزل في الأيام دي وأمورو إتعكست كمان فمشغول بيو أنا
منى:أيوااا ،ربنا يهون إن شاء الله وتصحبو السلامة لمااا يصلكم هنا ،وقلتي لي إبراهيم مازول تاني يعني
عفراء:هههههههه يابت زول تاني شنو ،انا مافاضية للأمور الفارغة دي .
منى:ياشيخة ! خلاص سمح بعد أقعد معاك بعرف الأمور أطلع منك الأمور الفارغة دي كويييس،وبالمناسبة بكرة المحاضرات مع سميرة شيلو شيلتكم ساي
عفراء :يااااا ستار ، منى ماااا كان تصمي خشمك عليك لحدي ما أنجلط بكرة ساي ،هههههه لا والظريف شيلو شيلتكم ! إنتي سنيرنا ونحنا ماجايبين خبر مثلآ
منى:ههههههههه ياخ والله المرة دي بترفع لي كثافتي بي شكل والعجب أمجد هههههههه يقرب يبكي عديييل لما نشتغل معاها ،المرة الفاتت لما وزعونا مشاريع كانت مشرفة علي مشروع ناس أمجد ،بعد خلصو قلت ليو أمش افحص ضغطتك يا أخوي هههههه
عفراء:ياخ مخلوقة عجيبة ،ياخ أقول لي شئ بكرة مااااا جاية عديل
منى:بالله ! إن شاء الله هي فارق معاها؟ دي حتدمج 10 محاضرات وتنجزها في محاضرتين وطارق قال إحتمال تلاتة ،
ضحكني جعفر قال لي أنا الليلة ناوي أساهر وبكرة حأجي أركلس جنب المكيف وديييك يا النومة .
قلت ليو لا الجاي ليها شنو ماتنوم في البيت ،قال لي لالا يمكن مع النعسة ألقط لي معلومة معلومتين يجن في الإمتحان .هههههههه عليك الله شوفي عدمي الجدية العليو دي
عفراء:ههههه جعفر ما بيعقل نهائي تتذكر لما قام يقحقح مرة في محاضرتها وقال ليها عن إذنك أنا عندي أزمة الجو كاتم هنا،وطلع فات الكفتريا يشفط في العصير
منى:هههههههه أي أي ،حتى الدفعة كلها ضحكت وقالت لينا بصوتها العجيبة ده :مالكم البضحك شنو! زوول عيان في شئ بضخك!
عفراء:هههههه هي ماجايبة خبر،يلا يابت أنا عندي مكالمة تانية أشوف بكرة ،
منى:تمام ياستي يلا في أمان الله .
نامت منى والصباح مشت الجامعة زي كل يوم لاقت الدفعة وسلمت عليهم كلهم ووقفت مع رانيا
وتسنيم
منى:رنوش حبيييبتي وينك مختفية يابت ما يكون عقدو عليك ونحنا ماجايبين خبر ،أصلو الأيام دي بقينا ما بنجيب خبر بس فجأة نسمع بفلانة عقدو عليها
رانيا:هههههههه والله ياريت يامنوش ،ابوي جاء من قطر يوم الخميس وكنا عاملين كرامة وجوطة ،وطبعآ شفت صور الرحلة والفديوهات ؛رهييييييييبة كانت ،بالجد فاتتني
منىاي والله كانت حلوة ،وما مشكلة تتعوض بالجاي وعلي قول اابوي :الجايات أكتر من الرايحات.قادينا بالجملة دي .
وأثناء جوطة القاعة دخلت سميرة ،
جعفر:أهااااا كبست
منى:ههههه ياود أسكت بتسمعك حسي توريك الكبس الصحي صحي ،أمشي نوم نومك يا أخوي.
جعفر:يلا ربنا يوفقكم ،إنتبهو كويس آآ ،تصبحو علي خير .
سميرة بدت المحاضرة والقاعة كلها مكشرة،بدت المحاضرة وجرت وجرت وجرت ،ولما إنتهت قالت سميرة:يلا يا جماعة نقيف لحدي هنا ..
أمجد وهو متغاظ قال بالراحة :لا عليك الله ما بدري ،ذيدينا من فضلك شوية ..
مرام:أمجد يشوشك وشك ،أسكت برانا ما ناقصين ياخ يدونا محاضرة في الأخلاق
أمجد : ، كان بدتي محاضرة ف الأخلاق أنا حأديها محاضرة في خفة الدمة لأنو صراحة الولية دي دمها فات مرحلة التقالة بقى في مرحلة أنصحك تعمل فيها بحث يامرام ،أهاو موضوع .
طارق وقف علي حيلو وقال:
ياجماعة دايركم ما تطلعوا
أميمة:آآآآآخ ياطارق موضوع شنو ياخ ،بعدين أنا شخصيآ لو دايرني تعال بيت أبوي ،دغري
طارق:هههههههه أميمة إني محاضرات سميرة لسعت مخك ولا شنو؟! أجي لحبل المشنقة بي كرعيي ،جنيت أنا ؟!
أميمة:كويس يا معفن،المهم أنجز في شنو؟!
منتصر:ياجماعة د.ياسر ما حيجي الأسبوعين الجايات ديل عندو ظروف وفي التقويم عندو 7 محاضرات ،فبالتاالي حينوب عنو د.يوسف
زوبة :الحمممممممد لله بقى يوسف ما واحد تاني وإلا كان موضوعنا إستحمى
منتصر:إستحمى بي لوكس ولا كامي يا زوبة .
لمياء ضربت منتصر بالدفتر وقالت ليو وهي متغاظة:هاهاها ظريف طبعآ ، الناس في شنو وإنت في شنو .
منتصر:بسم الله إنتي هنا ، لمياء ما تجي ننزل نشرب جبنة من ذبيدة وباقي التفاصيل بورونا ليها الرمم ديل
لمياء:ماجادي في حياتك نهاااائي يا منتصر ،لكن أقول ليك شئ ....أرح .
طارق وراهم زمن المحاضرات وأيامها .
منى رجعت البيت والقلق سكن قلبها ...وبقت تفكر كل لحظة مالو مالو ؟ الحاصل شنو ياربي ،خير اللهم أجعلو خير ومرت الأيام والأسبوعين إنتهن
فكرت تضرب ليو بس إترددت ؛وبعد صراع طوييييييل بين قلبها وعقلها قررت تضرب مسكت التلفون وهي مغمضة ضربت ،لقت ما عندها رصيد ..
أووف إستغفرك ياربي ،طلعت البرندة لقت عزيز وأبوها بحضرو في كورة :عزيز عزيز بلقى عندك رصيد زين ؟!
عزيز:أي في، شيلي التلفون واضربي
منى:لالا انا دايراك تحولو لي ،
عزيز:لييه يعني اتكلمي من هنا وخلاص
منى:دايرة أضرب لي دكتور معانا ليو أسبوعين ما جاء أشوفو وووو خايفة مايرد هلي رقم غريب
عزيز:رقم غريب ! وإنت جاب رقمك من وين مادام دايرة تضربي ليو بيو ؟
منى:الله! مالك ياعزيز بتتكلم معاي باللهجة دي ،ياسيدي ببساطة انا كنت منسقة الدفعة قبل طارق وأديتو رقمي عشان المحاضرات وتنسيقها بس .
عزيز:أيييوااا
منى حولت الرصيد وضربت ..كانت ضربات قلبها عالية ويديها بترجف .
ياسر ما رد كان بيصلي في العشا
منى:إتخنقت وجدعت التلفون في الطربيزة وقالت:ياريتني لو ماضربت ياخ .
وفجأة التلفون ضرب ..... يااااسر
ثبتت قلبها وردت:وعليكم السلام يادكتور
ياسر:أهلآ يامنى معليش كنت بعيد من التلفون، كيفك
منى وصوتها بيرجف :احم ماف مشكلة يادكتور ،الحمد لله بخير إنت كيفك؟
ياسر:بخير وعافية
منى:فقدناك يادكتور ما من العوايد تغيب .خير إن شاء الله
ياسر:ماتفقدو عزيز إن شاء الله.
الوالدة صحتها شوية إدهورت انا طالبت الجامعة بإجازة وكنت ناوي أسفرها برة
بس الدكاترة الهنا قالو حالتها متأخرة ومافي داعي للسفر ..
ففي الوقت الحالي متجمعين حوليها كلنا وانا ما بقدر انزل الجامعة وأخليها
منى:لاااا حول ولا قوة إلا بالله ،ربنا يكتب السلامة وأجر وعافية يارب...
ياسر :يديك العافية يا منى ،ماقصرتي
منى:العفو يا دكتور ده الواجب ،يلا أنا ما أطول علي ،وربنا يعجل بالشفاء إن شاء الله
ياسر :اللهم آمين ؛عليك الله دعواتك ليها علي طول يامنى
منى:سبحان من لاينسانا ولا ينساها ،، يلا في أمان الله .
منى قلبها إتقبض لأنها حست ياسر مكسوووور من جوة ..
وياسر حس إنو منى إهتمت لأمرو وكونها سالت عليو معناها هو بيعني ليها شئ ... إبتسم وخت التلفون ومشى يطمن علي أمه .
عفراء:منوش كيييفك ،الخبر
منى:مرحبتين عفراء الحمد لله تمام إنتي كيفك ؟
عفراء:كويسة الحمد لله شبعت نوم بس الليلة
منى:يابختك والله ،أنا بالنهار مانمت وعديتها حوامة بس ،لكن بحاول انوم بدري ،
عفراء:أسمعيني أمس إنت أديتني 50 جنيه قلتي لي خليها لي في شنتطك ؟ لقيتها حسي في شنطتي وقدر ما حاولت اتذكر حقت منو ما إتذكرت والله،قلت أشوفك إنتي
منى:لالا ما تبعي ،دي حقت هالة ،مالك إنتي طاشة
عفراء:آآخ تقولي شنو بس يامنى الأيام دي تركيز ماف نهائي ،وإبراهيم أخوي مفترض ينزل في الأيام دي وأمورو إتعكست كمان فمشغول بيو أنا
منى:أيوااا ،ربنا يهون إن شاء الله وتصحبو السلامة لمااا يصلكم هنا ،وقلتي لي إبراهيم مازول تاني يعني
عفراء:هههههههه يابت زول تاني شنو ،انا مافاضية للأمور الفارغة دي .
منى:ياشيخة ! خلاص سمح بعد أقعد معاك بعرف الأمور أطلع منك الأمور الفارغة دي كويييس،وبالمناسبة بكرة المحاضرات مع سميرة شيلو شيلتكم ساي
عفراء :يااااا ستار ، منى ماااا كان تصمي خشمك عليك لحدي ما أنجلط بكرة ساي ،هههههه لا والظريف شيلو شيلتكم ! إنتي سنيرنا ونحنا ماجايبين خبر مثلآ
منى:ههههههههه ياخ والله المرة دي بترفع لي كثافتي بي شكل والعجب أمجد هههههههه يقرب يبكي عديييل لما نشتغل معاها ،المرة الفاتت لما وزعونا مشاريع كانت مشرفة علي مشروع ناس أمجد ،بعد خلصو قلت ليو أمش افحص ضغطتك يا أخوي هههههه
عفراء:ياخ مخلوقة عجيبة ،ياخ أقول لي شئ بكرة مااااا جاية عديل
منى:بالله ! إن شاء الله هي فارق معاها؟ دي حتدمج 10 محاضرات وتنجزها في محاضرتين وطارق قال إحتمال تلاتة ،
ضحكني جعفر قال لي أنا الليلة ناوي أساهر وبكرة حأجي أركلس جنب المكيف وديييك يا النومة .
قلت ليو لا الجاي ليها شنو ماتنوم في البيت ،قال لي لالا يمكن مع النعسة ألقط لي معلومة معلومتين يجن في الإمتحان .هههههههه عليك الله شوفي عدمي الجدية العليو دي
عفراء:ههههه جعفر ما بيعقل نهائي تتذكر لما قام يقحقح مرة في محاضرتها وقال ليها عن إذنك أنا عندي أزمة الجو كاتم هنا،وطلع فات الكفتريا يشفط في العصير
منى:هههههههه أي أي ،حتى الدفعة كلها ضحكت وقالت لينا بصوتها العجيبة ده :مالكم البضحك شنو! زوول عيان في شئ بضخك!
عفراء:هههههه هي ماجايبة خبر،يلا يابت أنا عندي مكالمة تانية أشوف بكرة ،
منى:تمام ياستي يلا في أمان الله .
نامت منى والصباح مشت الجامعة زي كل يوم لاقت الدفعة وسلمت عليهم كلهم ووقفت مع رانيا
وتسنيم
منى:رنوش حبيييبتي وينك مختفية يابت ما يكون عقدو عليك ونحنا ماجايبين خبر ،أصلو الأيام دي بقينا ما بنجيب خبر بس فجأة نسمع بفلانة عقدو عليها
رانيا:هههههههه والله ياريت يامنوش ،ابوي جاء من قطر يوم الخميس وكنا عاملين كرامة وجوطة ،وطبعآ شفت صور الرحلة والفديوهات ؛رهييييييييبة كانت ،بالجد فاتتني
منىاي والله كانت حلوة ،وما مشكلة تتعوض بالجاي وعلي قول اابوي :الجايات أكتر من الرايحات.قادينا بالجملة دي .
وأثناء جوطة القاعة دخلت سميرة ،
جعفر:أهااااا كبست
منى:ههههه ياود أسكت بتسمعك حسي توريك الكبس الصحي صحي ،أمشي نوم نومك يا أخوي.
جعفر:يلا ربنا يوفقكم ،إنتبهو كويس آآ ،تصبحو علي خير .
سميرة بدت المحاضرة والقاعة كلها مكشرة،بدت المحاضرة وجرت وجرت وجرت ،ولما إنتهت قالت سميرة:يلا يا جماعة نقيف لحدي هنا ..
أمجد وهو متغاظ قال بالراحة :لا عليك الله ما بدري ،ذيدينا من فضلك شوية ..
مرام:أمجد يشوشك وشك ،أسكت برانا ما ناقصين ياخ يدونا محاضرة في الأخلاق
أمجد : ، كان بدتي محاضرة ف الأخلاق أنا حأديها محاضرة في خفة الدمة لأنو صراحة الولية دي دمها فات مرحلة التقالة بقى في مرحلة أنصحك تعمل فيها بحث يامرام ،أهاو موضوع .
طارق وقف علي حيلو وقال:
ياجماعة دايركم ما تطلعوا
أميمة:آآآآآخ ياطارق موضوع شنو ياخ ،بعدين أنا شخصيآ لو دايرني تعال بيت أبوي ،دغري
طارق:هههههههه أميمة إني محاضرات سميرة لسعت مخك ولا شنو؟! أجي لحبل المشنقة بي كرعيي ،جنيت أنا ؟!
أميمة:كويس يا معفن،المهم أنجز في شنو؟!
منتصر:ياجماعة د.ياسر ما حيجي الأسبوعين الجايات ديل عندو ظروف وفي التقويم عندو 7 محاضرات ،فبالتاالي حينوب عنو د.يوسف
زوبة :الحمممممممد لله بقى يوسف ما واحد تاني وإلا كان موضوعنا إستحمى
منتصر:إستحمى بي لوكس ولا كامي يا زوبة .
لمياء ضربت منتصر بالدفتر وقالت ليو وهي متغاظة:هاهاها ظريف طبعآ ، الناس في شنو وإنت في شنو .
منتصر:بسم الله إنتي هنا ، لمياء ما تجي ننزل نشرب جبنة من ذبيدة وباقي التفاصيل بورونا ليها الرمم ديل
لمياء:ماجادي في حياتك نهاااائي يا منتصر ،لكن أقول ليك شئ ....أرح .
طارق وراهم زمن المحاضرات وأيامها .
منى رجعت البيت والقلق سكن قلبها ...وبقت تفكر كل لحظة مالو مالو ؟ الحاصل شنو ياربي ،خير اللهم أجعلو خير ومرت الأيام والأسبوعين إنتهن
فكرت تضرب ليو بس إترددت ؛وبعد صراع طوييييييل بين قلبها وعقلها قررت تضرب مسكت التلفون وهي مغمضة ضربت ،لقت ما عندها رصيد ..
أووف إستغفرك ياربي ،طلعت البرندة لقت عزيز وأبوها بحضرو في كورة :عزيز عزيز بلقى عندك رصيد زين ؟!
عزيز:أي في، شيلي التلفون واضربي
منى:لالا انا دايراك تحولو لي ،
عزيز:لييه يعني اتكلمي من هنا وخلاص
منى:دايرة أضرب لي دكتور معانا ليو أسبوعين ما جاء أشوفو وووو خايفة مايرد هلي رقم غريب
عزيز:رقم غريب ! وإنت جاب رقمك من وين مادام دايرة تضربي ليو بيو ؟
منى:الله! مالك ياعزيز بتتكلم معاي باللهجة دي ،ياسيدي ببساطة انا كنت منسقة الدفعة قبل طارق وأديتو رقمي عشان المحاضرات وتنسيقها بس .
عزيز:أيييوااا
منى حولت الرصيد وضربت ..كانت ضربات قلبها عالية ويديها بترجف .
ياسر ما رد كان بيصلي في العشا
منى:إتخنقت وجدعت التلفون في الطربيزة وقالت:ياريتني لو ماضربت ياخ .
وفجأة التلفون ضرب ..... يااااسر
ثبتت قلبها وردت:وعليكم السلام يادكتور
ياسر:أهلآ يامنى معليش كنت بعيد من التلفون، كيفك
منى وصوتها بيرجف :احم ماف مشكلة يادكتور ،الحمد لله بخير إنت كيفك؟
ياسر:بخير وعافية
منى:فقدناك يادكتور ما من العوايد تغيب .خير إن شاء الله
ياسر:ماتفقدو عزيز إن شاء الله.
الوالدة صحتها شوية إدهورت انا طالبت الجامعة بإجازة وكنت ناوي أسفرها برة
بس الدكاترة الهنا قالو حالتها متأخرة ومافي داعي للسفر ..
ففي الوقت الحالي متجمعين حوليها كلنا وانا ما بقدر انزل الجامعة وأخليها
منى:لاااا حول ولا قوة إلا بالله ،ربنا يكتب السلامة وأجر وعافية يارب...
ياسر :يديك العافية يا منى ،ماقصرتي
منى:العفو يا دكتور ده الواجب ،يلا أنا ما أطول علي ،وربنا يعجل بالشفاء إن شاء الله
ياسر :اللهم آمين ؛عليك الله دعواتك ليها علي طول يامنى
منى:سبحان من لاينسانا ولا ينساها ،، يلا في أمان الله .
منى قلبها إتقبض لأنها حست ياسر مكسوووور من جوة ..
وياسر حس إنو منى إهتمت لأمرو وكونها سالت عليو معناها هو بيعني ليها شئ ... إبتسم وخت التلفون ومشى يطمن علي أمه .
ليست هناك تعليقات:
إرسال تعليق